ORANJESTAD (AAN) — Durante un recien evento na e hotel den presencia di Minister di Turismo y e oficialnan di Aruba Excellence Foundation, empleadonan a ricibi elogio como verdadero embahadornan Rubiano. E team completo ta gradua den “MI Compromiso”, e programa di certificacion den sector turistico local, nan tin conocemento remarcable di e isla combina cu un compromiso pa brinda solamente e mihor servicio na bishitantenan, cu Zjeito.
Mi Compromiso cu Aruba, ta un programa educativo patrocina pa gobierno di Aruba, dedica especialmente na tur persona trahando den Aruba su sector turistico.
E programa ta mehora e conocemento di Aruba su producto turistico pa tur alumno, cu un enfoke riba excelencia den servicio y e mantene nos isla su medio-ambiente.
Desaroya pa e Ministerio di Turismo, e ta un inversion den nos hendenan, aumentando profesionalismo y mehorando e conocemento di e isla y su tradicionnan.
Caribbean Palm Village Resort tabata huesped na varios ronda di e programa di certificacion, poniendo tur miembro di e team ariba schedule. Hunto nan a investiga e capitulonan mas importante di e isla su historia y e historia di turismo na Aruba.
Caribbean Palm Village Resort hosted a number of rounds of the certification program, scheduling all employees. Together they explored the most important chapters of Aruba’s history and tourism history.
Tambe a repasa e recursonan natural, cultura, atraccionan, nivel di servicio y e conciencia di desaroyo personal. E curriculum oficial cu ta inclui Turismo, Sostenibilidad, Historia di Aruba, Servicio Excelente, Comunicacion Excelente y un Actitud Ganador.
Mas importante, e programa ta reviva un concepto di Papiamento antiguo, e secreto di Aruba su cordialidad y amabilidad. Hunto, e forum a explora e significado profundo di e Zjeito local, y su manifestacion den e estilo di bida y cordialidad cu nos bishitantenan ta keda asina encanta cune.
Den e potretnan, e feliz graduadonan.
