Entrante Diadomingo pa 4 dia lo cera rotonde di Cumana

ORANJESTAD (AAN): A base di e siguiente informacion ricibi for di e contratista Mota-Engil, lo bay tin cambio riba trafico.

Entrante Diadomingo 28 di juli 2019 for di 8’or di mainta lo cera e rotonde di Cumana.

Esaki ta pa pone ultimo capa di asfalt.

Pues esaki lo trece cune, cambio di ruta di Sabana Blanco – Cumana.

Desviacion ta via Maracastraat, Mandolinstraat y e caminda local dilanti Kooyman.

E relato ricibi di DOW, ta indica cu lo bay permiti trafico pasa bao di e overpass na Meiveld.

E ponemento di ultimo capa di asfalt aki lo bay dura 4 dia. E rotonde lo habri back Diahuebs 1 di augustus 2019 den oranan di atardi.