Home Gobierno Excepcion pa Aruba Airlines no ta inclui reciprocidad

Excepcion pa Aruba Airlines no ta inclui reciprocidad

67
0
SHARE
- Advertisement -

Gobierno a pone INAC na haltura:

ORANJESTAD (AAN) – Prome Minister mr. Evelyn Wever-Croes a elabora den conferencia di prensa, tocante e tema di “reciprocidad” riba tereno di aviacion, den e contexto di un excepcion den otro excepcion pa Aruba Airlines, en caso cu esaki por logra.

E mandatario a splica cu Aruba tin tratadonan internacional riba diferente tereno, unda e acuerdonan di aviacion ta inclui reciprocidad.

Esaki kiermen “cu si ami a duna bo algo, bo ta duna mi algo” e dignatario a expresa. Por ehemplo, si un compania di Aruba haya un permiso di Venezuela, Aruba tambe ta duna un permiso na uno di Venezuela.

“Den temporadanan normal unda e frontera ta habri, esaki no ta un problema. Den e caso aki cu e frontera ta cera e ta bira un problema. Kiermen, cu na momento di duna Aruba Airlines aprobacion pa por haci e vuelonan aki, eynan nan a informa gobierno di Aruba pa corda cu e reciprocidad ta riba mesa, y cu nan ta verwacht cu gobierno di Aruba tambe ta bay duna na companianan di Venezuela”, Minister Presidente a subraya.

E mandatario a splica cu ora cu esaki a bin riba mesa gobierno a contesta Venezuela cu esey no ta e intencion, pasobra esey ta un excepcion pa un tempo cortico, y e intencion no ta pa bay duna tur hende e permisonan aki ni excepcion. No ta business as usual, e ta un excepcion den un excepcion”, Minister Presidente a indica.

Riba esaki gobierno ta wardando e seguridad bin bek for di INAC (Instituto Nacional di Aeronautica Civil), cu ta e autoridad cu a informa gobierno di Aruba.

E mandatario a reuni cu e departamentonan encarga por ehemplo Aeropuerto pa wak cual ta e horarionan cu por atende e tipo di vuelonan asina, tambe cu CBP (Customs Border Protection). E condicionnan estricto pa evita cu pasaheronan lo keda atras, pa evita mas hende di loke a keda atras caba na Aruba, y na mesun momento pa yuda e aerolinea nacional cu un excepcion.

Gobierno ta poniendo tur cos den balansa y si logra sali afo Aruba lo hacie pasobra di un banda Gobierno ta yuda y di otro banda no ta core riesgo di haya un fluho hopi grandi di hende cu ta drenta nos pais. “Pero laga nos ta hopi cla: frontera ta keda cera!”Prome Minister a reitera.

- Advertisement -

DUNA COMENTARIO

Please enter your comment!
Please enter your name here