Home Hudicial Fiscal ta apela sentencia unda a baha castigo di 14 aña pa...

Fiscal ta apela sentencia unda a baha castigo di 14 aña pa 4 aña di prison den caso tira Ski mata

367
0
SHARE
- Advertisement -

E no ta di acuerdo cu e sentencia

ORANJESTAD (AAN): Ya caba DIARIO a publica cu Hues a baha e castigo exigi pa Fiscal di 14 pa 4 aña di prison pa e hoben R.N.(19) relaciona cu e caso di tira Hubert Arrindell (Ski) mata den Rancho. R.N. tabata e chofer di e auto, for di cual e muher Z.Q.(20) a los tres tiro y un di e tironan a alcansa Ski riba 18 Augustus 2018. Dos dia despues, 20 Augustus 2018, Ski a fayece door di e tiro cu el a sufri.

Manera DIARIO a publica, Fiscal ta haya cu R.N. no ta complice di asesinato pero si ta complice di a mata Ski y intento di mata e otro tres personanan cu tabata para eynan ora cu e muher Z.Q. a tira riba nan. Dia di tratamento di e caso di R.N., Fiscal a informa Hues cu el a apela e sentencia di e muher Z.Q. cu a keda condena na 10 aña di prison. Fiscal a bisa cu e no ta di acuerdo cu e castigo ta asina abao. Fiscal a exigi 18 aña di prison.

E siman aki, sentencia a cay pa e hoben R.N., caminda un biaha mas Hues a baha e castigo exigi pa Fiscal. Fiscal a exigi 14 aña di prison y Hues a baha esaki na 4 aña di prison.

Hues den su sentencia a bisa cu contrario cu Fiscal, cu ta haya cu R.N. ta complice di mata, Hues no ta haya cu R.N. ta complice. Hues a mustra cu R.N. no tabata esun cu a tira y no ta haya cu su contribucion tabata suficiente pa bisa cu e ta complice.

Hues a mustra cu R.N. tabata e chofer di e auto y a core bay Ranchostraat. Ariba peticion di e muher Z.Q., el a bolbe pasa un biaha mas. Z.Q. a haya e arma for di B. El a puntra si mester tira. E chofer R.N. hunto cu e otronan a bisa si. E ora ey Z.Q. a tira.

Hues a bisa cu Z.Q. a bisa Polis cu el a puntra dos biaha pa haya aprobacion di B. cu ta doño di e arma. Z.Q. a bisa cu el a scucha R.N. bisa si, pero e no a pone tino na esey sino tabata pendiente kico B. cu ta doño di e arma ta bisa.

Na opinion di Hues, esey ta nifica cu e, si, di R.N. no tabata significante pa Z.Q. a tira. Z.Q. tabata kier haya permiso di B. Despues cu B. a duna permiso, Z.Q. a tira.

Hues a bisa cu no por bisa cu R.N. a stimula Z.Q. pa tira. E hecho cu R.N. a core bay cu velocidad, no ta suficiente pa bisa cu e ta complice. Hues ta haya cu R.N. a yuda den mata y intento di mata. Door di R.N. su ayudo, a kita bida di Ski. Hues a bisa cu R.N. tin suerte cu e otronan no a resulta herida. E hecho cu a tira riba nan, lo por keda afecta.

Teniendo tur cos na cuenta, Hues a condena R.N. na 4 aña di prison.

DIARIO a bay investiga y informacion cu DIARIO ta dispone di dje ta mustra cu Fiscal no ta di acuerdo cu e sentencia contra R.N. DIARIO por a compronde cu Fiscal a dicidi cu e ta apela e sentencia aki tambe.

Esey ta nifica cu caso tira mata Ski ta bay Corte Superior caminda e acusadonan, e muher Z.Q. y e homber R.N. lo mester presenta dilanti tres Hues (Hof). E caso lo worde trata pa Hof completamente di nobo y Hof lo bay dicidi si e castigonan lo keda manera Hues di Corte den Promer Instancia a duna of cu Hof ta haya cu mester subi e castigo.

- Advertisement -

DUNA COMENTARIO

Please enter your comment!
Please enter your name here