Home Impuesto Formulario di declaracion di inkomstenbelasting 2018 a sali

Formulario di declaracion di inkomstenbelasting 2018 a sali

25
0
SHARE
- Advertisement -

E fecha oficial di otorgamento ta 1 di juli 2019

ORANJESTAD (AAN) – Departamento di Impuesto ta informa cu e formularionan di declaracion di inkomstenbelasting 2018 a sali. Den e dianan aki e contribuyentenan lo ricibi nan formulario via post manera custumber. E fecha oficial di otorgamento ta 1 di juli 2019. Pa ley e contribuyentenan ta haya 2 luna pa yena y entrega e formulario. Di acuerdo cu ley, e ultimo dia pa entrega esaki ta 2 di september 2019.

Banda di e termino legal di 2 luna, Departamento di Impuesto ta duna 3 luna mas di tempo pa por entrega e declaracion. E fecha final pa e clientenan cu ta haci uzo di e 3 luna extra ta 2 di december 2019. No mester haci un peticion oficial pa haci uzo di e 3 luna extra di extension (“uitstel”).

Departamento di Impuesto ta recomenda pa prepara tur documento necesario relaciona cu entrada y gasto di aña 2018 por ehempel: salario anual, pensioen di trabou, pensioen di biehes, pensioen di viudo of huerfano, entrada di huur di propiedad, entrada di ‘side-jobs’, carta di interes di banco y/of otro instancia, seguro di bida, comprobante di donacionnan haci, comprobante di gastonan di scol di yiu cu ta studia den exterior etc.

E clientenan cu tin un empresa propio (eenmanszaak), tambe mester prepara nan relato anual di aña 2018. Den caso cu e cliente mes no por traha e relato anual aki, ta recomendabel pa busca un consehero cu conocemento adecua di e materia di impuesto.

Yena y entrega e formulario ta un obligacion legal. Door di yena y entrega e formulario na tempo, e cliente ta evita cu e ta haya un cobransa (taxativo) cu boet. Ademas pa medio di e declaracion, e cliente ta haya e oportunidad pa haci uzo di su derecho di deduci su gastonan.

 

- Advertisement -

DUNA COMENTARIO

Please enter your comment!
Please enter your name here