Home arte y espectaculo Fundacion CINEARUBA ta celebra 9 aña cu nochi di pelicula gratis

Fundacion CINEARUBA ta celebra 9 aña cu nochi di pelicula gratis

15
0
SHARE
- Advertisement -

ORANJESTAD (AAN): Awe Diahuebs 18 di juli fundacion CINEARUBA lo tin presentacion di pelicula gratis na Ateliers ’89 situa na Dominicanessenstraat 34. Porta ta habri 7.30 di anochi y e pelicula lo inicia 8’or di anochi. E entrada lo ta completamente gratis y lo tin tambe popcorn gratis.

E presentacion lo consisti di e short film ‘E yobida di ayera’ di Armand Simon y un pelicula largo di comedia Spaño titula ‘Campeones’ di Javier Fresser. Ambos pelicula lo tin subtitulo na Ingles.

E pelicula ‘E yobida di ayera’ ganador di e competencia Caribbean Shorts di Curacao Internacional Film Festival Rotterdam lo ta parti di Shortcutz Aruba cu tin e meta di showcase peliculanan cortico local.

E pelicula largo ‘Campeones’ di un duracion di dos ora ta conta e storia di un grupo di personanan special cu lo ricibi e oportunidad pa ta parti di un team di basketball. Un bunita pelicula cu ta focus riba inclusion di personanan special den comunidad.

E fundacion tin nuebe aña brindando comunidad di Aruba un plataforma pa desaroya talento, pero tambe contribuyendo na e dasaroyo di habilidad di cada persona.

Nochi di pelicula tambe ta un di e actividadnan cu ta forma parti di e programa di fundacion CINEARUBA y e intencion ta pa haci esaki semanal durante e vacacion escolar.

Ademas di nochi di pelicula por bisa cu e aña aki CINEARUBA ta organisando e famoso projecto internacional 48 Hour Film Project di cual e inscripcion a habri caba, pa mas info por bishita https://www.48hourfilm.com/aruba.

- Advertisement -

DUNA COMENTARIO

Please enter your comment!
Please enter your name here