Home Religion y Espiritualidad Fundacion dr. Jose Gregorio Hernandez na Tanki Leendert a celebra su di...

Fundacion dr. Jose Gregorio Hernandez na Tanki Leendert a celebra su di 50 aniversario

34
0
SHARE
- Advertisement -

Cu hopi speranza cu pronto e lo bira Beato:

ORANJESTAD (AAN) – Fundacion Jose Gregorio Hernandez na Tanki Leendert a cumpli su di 50 aniversario. Sra. Lourdes Giel-Jansen, actualmente Presidente di e Fundacion.

Sra. Lourdes a comenta cu tempo cu el a cuminza cu e Fundacion haciendo trabao boluntario, hopi hende tabata bin na e Capel, pero ultimo añanan e asistencia ta hopi pober.

Hopi di e fielnan creyente cu tabata tin 50 aña atras a fayece caba, otronan ta den carera di 70 pa 90 aña y mas, y e tempo ey tabata tin hoben devoto tambe, pero awendia e devocion bao di hobennan a baha hopi.

Tur diaranzon tin encuentro y oracion di 7 pa 8’or di anochi, y un bez pa luna ta pone Misa. Leu leu e Misa ta yen, pero pa haci oracion masha poco hende ta bin.

Sra. Lourdes a menciona cu awendia no tin interes. E hendenan awo no ta hopi devoto mas. E ta spera cu pronto Doctor Jose Gregorio Hernandez wordo beatifica. Desaroyonan ta tumando lugar cu Obispo di Caracas den e Catedral pa esaki bira un realidad, ya cu na 2017 a sosode un gran milagro na Venezuela pa medio di Dr. J.G.H.

Pa celebra a aniversario di Oro aki, tabata tin un Santo Sacrificio di Misa y un brindis chikito. Asina a gradici Dios, y e fielnan cu a bin uni na e celebracion, un danki.

Sra. Carmen Maria Rosell-Franken ken ta ex-presidente a relata cu e Fundacion a wordo lanta na aña 1969, despues cu sra. Croes a haya un fabor di Dios atravez di Jose Gregorio Hernandez, ken a pone tur facilidad pa hoben y adultonan, y na aña 1973 sra. Croes a lanta un Stichting.

Sra. Carmen a haci un yamada pa e hubentud cu por acerca e fundacion, pasobra tur e miembronan cu tin awor ta hende grandi pa sigui cu e bunita obra aki. Nan ta reza pa Dios Tata y Santisima Trinidad y pa medio di Jose Gregorio hopi hende ta haya sanacion. Sra. Carmen a conta tambe cu na 2017 a sosode un gran milagro na Venezuela, unda cu un mucha di 10 aña a haya un tiro na su cabes y despues di tur operacion no a keda bon. Pero e mayornan orando na Dios pa medio di Jose Gregorio Hernandez, sorprendiendo e cinco docternan cu a realiza e operacion e mucha a wordo sana. Na December nan a saca un MRI di dje y e ta mustra tur e daño causa, pero e mucha ta completamente bon. E milagro aki a wordo hiba na Vaticano, nan a acepte, y awor e Tribunal Eclesiastico ta bay haci un estudio di dje, y e speranza ta cu esey ta e milagro cu cual e lo wordo beatifica.

 

 

 

- Advertisement -

DUNA COMENTARIO

Please enter your comment!
Please enter your name here