Home General Gabinete Eman a haci bofon di integridad y constitucion

Gabinete Eman a haci bofon di integridad y constitucion

356
0
SHARE
- Advertisement -

Analisis

For di momento cu nos a duna inicio na un revision total di Citgo y gobernacion di gabinetenan Mike Eman 1 y 2, hunto cu expertonan y a base di literatura oficial y informacionnan local y internacional, como matutino di Aruba nos a spierta nos pais pa loke ta pasa awe.

Aruba mester lanta for di un soño cu conscientemente a wordo crea dor di dos Gabinete Mike Eman, cu a haci bofon di integridad y constitucional cu ta e dos pilarnan di nos comunidad.

Pa un pais por democratico por papia di bon gobernacion, e forma cu e ta wordo dirigi mester ta base di integridad pa por sostene tur exigencia democratico cu ta parti for di e dignidad di e ser humano.  Integridad ta e exigencia mas grandi di nos Constitucion cu ta garantisa bienestar di Aruba y tur Arubiano.

Den un afan pa crea un mundo nobo, Nacionnan Uni a dicidi pa 17 punto cu hustamente Mike Eman y su grupo a trece Aruba pa por a crea e huma necesario tras di cual nan por a sconde e desastre cu nan tabata construi pa Aruba.

Palabranan bunita a base di un programa diseña grandemente pa paisnan cu ainda mester di hopi desaroyo pa sikiera yama nan mes civilisa, a wordo presenta na Aruba na un forma, cu mayoria di e poblacion no a comprende nada.

Awor cu gobierno nobo tambe a bini cu e programa y tambe Algemene Rekenkamer Aruba a confirma cu Aruba a mara su mes na e proyecto cu e mester vigila, Aruba ta tuma nota mas detaya di loke Mike Eman a bay palabra na Nacionnan Uni.

Awe Nacionnan Uni mester bini Aruba pa mira con e mes Gobierno Eman a destrui e base pa yega na realisacion di loke ta wordo yama un gobernacion cu pueblo por carga y ta duradero a base di e realisacion di derechonan humano cu e ta contene.

Punto number 16 di e programa cu ta un di e acuerdonan internacional cu Gabinete Mike Eman a manipula pa propio uzo manera ta e caso hasta cu fondonan di Aruba, ta mustra bon cla pakico Gabinete Eman no solamente a bira un fracaso total pero pio ainda. Gabinete Mike Eman a haci bofon di e contenido Integridad y di nos Constitucion cu ta exigi e bienestar di Pueblo.

Central den e puntonan di Nacionnan Uni tin tambe e puntonan mas importante pa por papia di democracia, bienestar y integridad cu ta paz, husticia y institucionnan fuerte cu no ta mara na corupcion, abuso di pueblo y fondonan di pueblo.

Ora analisa kico Mike Eman a haci como gobernante di Aruba por mira cu e no a sembra paz. El a sembra un ambiente den cual manera un actor di pelicula e ta central y cada rato ta haya publicidad pa mantene su mes na poder como votegetter. Na momento cu e no a haya loke e kier, el a subi baricada pa kibra e paz cu Aruba mester pa progresa.

Gobierno di Mike Eman a duna muestra cu e no conoce e palabra integridad cu ta necesario pa husticia wordo haci cu Aruba y Arubianonan a base di constitucion, riba cual el a trapa. Mentira a wordo uza pa dirigi pueblo cu a wordo destrui cu e maneho financiero y economico cu awe ta rementa riba Aruba.

Inhusticia a wordo haci contra Aruba cu placa di Aruba cu a wordo uza y abusa pa Mike Eman por tin popularidad y poder.

Bofon a wordo haci di derechonan humano dor di un comediante di poco haltura cu a uza un welga di hamber pa evita cu Hulanda lo a pone fin na e abuso cu e tabata haci cu fondo publico.

Institucionnan importante di Aruba, manera Parlamento a wordo humilia dor di gabinete Mike Eman pa pasa e tragedia cu el a prepara pa Aruba hunto cu regimen Nicolas Maduro.

Awe husticia ta vence pa e normanan y balornan mara na Integridad y Constitucion, mustra dede riba e gobierno Mike Eman, cu a destrui un pais y un pueblo pa su bienestar politico.

 

 

- Advertisement -

DUNA COMENTARIO

Please enter your comment!
Please enter your name here