Home Gobierno Gobierno lo bin cu Dependance di Colegio San Nicolas pabao di brug...

Gobierno lo bin cu Dependance di Colegio San Nicolas pabao di brug pa acapara nan tur

55
0
SHARE
- Advertisement -

Hopi mas alumno lo drenta HAVO e aña escolar nobo:

ORANJESTAD (AAN)—Minister di Enseñanza, Ciencia y Desaroyo Sostenible, Rudy Lampe, tabata encarga cu e conferencia di prensa di gobierno, Diahuebs.

E mandatario ta den total preparacion di apertura di e aña escolar 2019-2020 y un di e aspectonan di e maneho nobo cu a wordo introduci ta e “Nationale Toets”.

Esaki ta un examen nacional cu tur alumno di 6de klas a pasa y e maneho nobo ta inclui cu si e Conseho di Scol ta bisa cu e alumno ta bay HAVO, pero el a score e toots pa MAVO, e mucha ta bay HAVO, pasobra esun di mas halto ta conta.

E mandatario a señala cu den e caso aki, enberdad a surgi un aumento di alumnonan cu ta bay HAVO, y pa e motibo aki gobierno a haci e preparacionnan pa cuminza cu un dependance di Colegio San Nicolas, pabao di brug, pa e cantidad di alumnonan cu mester bay HAVO a aumenta. A palabra esaki cu Rector di Colegio San Nicolas, e dignatario a indica.

E mandatario a bisa cu como Colegio San Nicolas ta un scol publico, cu ta cay bao di Minister di Enseñanza, gobierno tin e responsabilidad pa tur esnan cu ta bay HAVO, haya scol. Pesey ta bay traha e Dependance nobo pa acapara e fluho pa e hobennan cu ta bay cuminza nan HAVO na Augustus proximo.

“Nos kier pidi tur e mayornan cu nan yiu si a bay scol catolico of protestant y ta bay HAVO pero na dado momento na Colegio Arubano no tin lugar pe, e tin derecho riba HAVO pa inscribi e na Colegio San Nicolas. E por haci esaki via online” Minister Lampe a indica.

E mandatario a reitera cu Colegio San Nicolas ta un scol publico cu ta habri pa tur mucha y e ta pidi pa tur mayor tuma nota di esaki.

- Advertisement -

DUNA COMENTARIO

Please enter your comment!
Please enter your name here