Guardacosta cu advertencia serio y ta pidi ciudadanonan raporta caso sospechoso

    252
    0
    SHARE
    - Advertisement -

    Lama ta bruto entre Venezuela y Aruba

    ORANJESTAD (AAN): Diamars anochi, Guardacosta di Caribe Hulandes a emiti un advertencia y alavez haci suplica pa ciudadanonan raporta cualkier movimento cu nan mira pazuid di Aruba.

    Guardacosta di Caribe Hulandes a mustra cu nan lo sigui patruya y desplega tur nan unidadnan riba lama y avionnan pa garantiza e seguridad den awanan teritorial di Aruba, Bonaire, y Curaçao.

    Nan ta mustra cu e viahe di Venezuela pa islanan ABC ta un cruzada hopi peligroso.  Lama ta hopi bruto y no por haci pronostico cu exactitud.  A bin nota cu ta usando hopi boto y lancha cu no ta apto pa nabega den lama bruto, y pa colmo nan ta bin cu demasiado hende abordo, sin cu nan tin e equipo di rescate necesario y adecuado.  Esaki ta un riesgo di seguridad grandi riba e lama entre Venezuela y Aruba.

    Pesey awor Guardacosta di Caribe Hulandes ta haci un suplica na tur ciudadano cu ta observa situacionnan sospechoso of tambe peligroso riba lama, y na costa zuid di e isla, pa yama mesora Kustwacht na telefon 913.

    Boto- of yatenan riba lama tambe por comunica cu Centro di Rescate y Coordinacion (RCC) di Kustwacht via Marine VHF canal 16, ora nan mira situacionnan sospechoso of tambe peligroso.  Nan ta pensa, cu e cooperacion di tur hende, lo mantene lama safe y costanan di e islanan aki lo keda sigur.

     

    - Advertisement -

    DUNA COMENTARIO

    Please enter your comment!
    Please enter your name here