Home Cultura Haya sa loke Pintura Indjan y exhibicion tin en comun

Haya sa loke Pintura Indjan y exhibicion tin en comun

31
0
SHARE
- Advertisement -

ORANJESTAD (AAN): Aad Versteeg y Harold Kelly archeologo na Museo Archeologico Nacional di Aruba (NAMA) a haci investigation y a documenta e dibujonan di Indjan di Aruba den nan buki: The Archaeology of Aruba: The Pictographs and Petroglyphs.

E buki ta pisa 3 kilo, e ta consisti di 454 pagina y mas cu 900 ilustracion cu ta encera 458 dibujo Indjan. Di  e dibujonan Indjan 15 a worde publica pa e prome biaha. E dibujonan aki a wardo pinta door nos museologo Lilly Peterson.

Versteeg y Kelly ta di e opinion cu e dibujonan Indjan, cu den boca di pueblo ta worde yama Piedra skirbi, ta representa un diversidad di experiencia di pensamento, y information expresa cu verf y grabacion riba piedra como e resultado di actividad specifico ehucuta di esnan cu a traha nan.

Un ehempel mas contemporaneo di emotion materializa cu a worde conserva riba canvas ta e collection di pintura di Lilly Peterson cu bo por wak den e exhibicion “E Propio” na Biblioteca Nacional na San Nicolaas.  E exhibicion ta bay habri dia 22 di Augustus pa 5 or di atardi.

Esaki ta un parti di un di e pinturanan den e exhibicion.

Manera e Indjan bo persona tambe por materializa bo propio, memorianan, sentimiento y emocion cu verf riba papel cu art journaling creando bo propio Buki Creativo. Tambe por traha obra di bo pensamento, ideanan y bo  intencion cu bo tin pa bo mes. Bo por crea obranan artistico chiquito basa riba bo storianan di bo bida personal. Mescos cu bo ta saca un imagen di bo mes cu un camera bo ta crea y conserva bo emotion den bo propio Buki Creativo.

Sr. Peterson ta bay duna un tayerdi Buki Creativo( Art journaling) na  Biblioteca Nacional Pariba y Pabou. Mas information ta bay worde publica den DIARIO pronto.

 

- Advertisement -

DUNA COMENTARIO

Please enter your comment!
Please enter your name here