Home Hudicial Hof a confirma decision di Corte den caso retiro no funda di 5...

Hof a confirma decision di Corte den caso retiro no funda di 5 miembronan di Raad van Toezicht di Lotto pa Deporte

120
0
SHARE
- Advertisement -

ORANJESTAD (AAN)  – Ayera mainta Hof di Corte Superior na Curacao a dicta sentencia den e apelacion di Gobierno contra e sentencia di Corte den Promer Instancia riba e caso di retiro di e 5 miembronan di Raad van Toezicht di Lotto pa Deporte. Hof na Curacao a confirma e decision cu no por retira e 5 miembronan.

For di aña pasa e casonan ta andando. Ta asina cu Hues di Corte den Promer Instancia a ordena Gobierno pa suspende e decision di retiro di e 5 miembronan di Raad van Toezicht esta S.J., B.d S.,A.K., F.F. y E.K. Gobierno a dicidi di cuminsa un caso mas profundo y na mesun momento a apela e sentencia.

Siman pasa Hues di Corte di Husticia di Aruba den e caso mas profundo a tuma e decision cu e ta destrui e retiro di 3 Januari 2018 di e 5 miembronan di Raad. Hues ta destrui e nombramento di 10 Januari 2018 di e 5 miembronan di Raad nobo. Hues ta ordena Gobierno pa paga e gastonan di e caso.

Ayera mainta Hof den su sentencia ta mustra riba e dos sentencianan aki y a confirma e sentencia di Corte den Promer Instancia. Esey ta nifica cu awor ta definitivo cu no por kita e 5 miembronan di Raad van Toezicht a base di e carta di retiro di 3 Januari 2018 y tampoco por nombra 5 miembro nobo a base di e carta di 10 Januari 2018.

- Advertisement -

DUNA COMENTARIO

Please enter your comment!
Please enter your name here