Home Hudicial Homber sospecha di a abusa di mucha muher menor di edad laga...

Homber sospecha di a abusa di mucha muher menor di edad laga liber pendiente di e caso

1792
0
SHARE
- Advertisement -

ORANJESTAD (AAN): E homber Venezolano A. actualmente ta liber pendiente di e caso penal cu Ministerio Publico a cuminsa contra dje. E ta worde sospecha cu e a abusa di un mucha muher menor di edad durante 1 aña largo.

E sospechoso a presenta den Corte dilanti Hues pero e caso tabata pro forma. Fiscal a propone pa tratamento di e caso ta na October 2019.

   ABUSA DI MUCHA:

E acusacion cu Fiscal a presenta den Corte contra e homber A. ta cu entre April 2018 y 19 April 2019 a tene relacion sexual cu mucha muher menor di edad. Fiscal a bisa cu e caso ta pro forma y ta propone pa October 2019.

   SOSPECHOSO LAGA LIBER:

Abogado mr. Carlo a bisa Hues cu e ta haya cu door cu tabata relacion voluntario y cu A. no a forza e mucha muher, cu A. mester por haya libertad pendiente di e caso.

E abogado a bisa Hues cu e mucha muher hasta kier a papia cu Hues pa mustra cu ta voluntario e relacion ta.

Fiscal a bisa cu e mayornan ta totalmente contra e relacion ey ya cu ainda e mucha no tin 17 aña. Ley ta pa proteha mucha menor di edad.

Hues a bisa cu si mira e circumstancia bou cual e relacion a sosode, enberdad A. no a forza e victima manera mr. Carlo a bisa, pero ta un menor di edad.

Hues a menciona articulo di ley cu ta mustra cu si A. worde haya culpable, bou di e circumstancia cu ta voluntario, e no ta haya un castigo mas cu loke el a sinta caba. Hues a bisa cu ta laga A. bay liber pendiente di e caso.

Hues a pidi Fiscal pa check un Diahuebs. A bay di acuerdo cu dia 3 October 2019 pa 10’or di mainta lo trata e caso.

- Advertisement -

DUNA COMENTARIO

Please enter your comment!
Please enter your name here