Home Hudicial Hues a subi castigo di 5 pa 7 aña di prison pa...

Hues a subi castigo di 5 pa 7 aña di prison pa homber cu a bati su swa mata

2373
0
SHARE
- Advertisement -

E ta haya e castigo exigi pa Fiscal mucho abao

ORANJESTAD (AAN): E homber Eric Maduro riba Diabierna mainta a scucha Hues subi e castigo di 5 pa 7 aña di prison. Tratamento di e caso a tuma lugar algun siman pasa caminda Fiscal a haya Maduro culpable di riba 26 November 2018 a bati su swa Tromp severamente cu consecuencia cu su siguiente dia a haya Tromp di 54 aña morto drumi riba cama na cas na Madiki Kavel. Fiscal a exigi 5 aña di prison. Abogado mr. S.Kock ta haya cu Maduro no a mata Tromp.

    HUES: MADURO TA CULPABEL:

Diabierna mainta Hues a bisa cu e ta haya legalmente proba cu Maduro, diferente biaha a dal e victima Tromp cu mokete na cabez y a pone rudia riba su curpa, cu consecuencia cu el a muri. Hues a reacciona riba e ponencia di Maduro cu tabatin un pelea entre Maduro y Tromp y segun Maduro, Tromp no a sufri lesion.

Maduro tambe a bisa cu e pelea a sosode 25 November 2018 y cu ta te dia 27 November 2019, Tromp a fayece y cu no ta el a haci’e.

Hues a bisa cu e no ta kere Maduro su declaracion haci den Corte. Na opinion di Hues, e declaracion di Maduro, ta contradictorio di loke Maduro mes a declara na Polis. Hues a mustra cu Maduro a bisa miembronan di Recherche cu Tromp su cara tabata na tur na sanger y tabatin problema cu hala rosea. E tabata kier a hib’e hospital. E ruman muher di Maduro, cu ta casa cu Tromp, a bisa cu Tromp a sufri hopi sla y tabata sangra y tabata sinti cu e kier a saca. E victima a bay drumi y no tabata duna señal di bida. El a worde haya morto riba cama. Na opinion di Hues, e declaracion di e señora di e victima, no ta cuadra cu loke Maduro a bisa den Corte.

Hues a mustra cu patologo a constata cu Tromp a fayece y cu investigacion ta mustra cu e pelea no a sosode 25 November 2018 manera Maduro ta bisa sino 26 di November 2018.

   HUES A SUBI CASTIGO:

Hues a bisa cu Maduro a maltrata su swa di tal manera cu el a kibra 5 ripchi di Tromp y hunto cu e otro slanan a causa su morto. Hues ta haya Maduro culpable di a kita bida di Tromp.

Hues a bisa cu e ta tuma Maduro na malo cu Maduro a presiona su ruman muher pa no bisa nada di e pelea. Tambe Hues a mustra cu Maduro no a duna claridad di e caso. Esaki ta mustra cu Maduro ta worry cu su mes y no e victima.

Tur esaki ta haci cu Hues ta haya cu e exigencia di Fiscal di 5 aña di prison no ta suficiente. Hues a subi e castigo na 7 aña di prison, kitando e tempo cu Maduro ta sera den KIA. Famia di e victima a tira palabra pa Maduro ora el a lanta cana bay.

- Advertisement -

DUNA COMENTARIO

Please enter your comment!
Please enter your name here