Home Policial Hulanda a pone 4.4 miyon Euro extra pa yuda Cuerpo Policialnan den...

Hulanda a pone 4.4 miyon Euro extra pa yuda Cuerpo Policialnan den Caribe Hulandes

213
0
SHARE
- Advertisement -

ORANJESTAD (AAN): Diaranzon atardi, Ministro Hulandes di Husticia y Seguridad, Ferd Grapperhaus, a pone 4.4 miyon Euro disponible pa mihor educacion y opleiding di Polis y e personal di St. Maarten (KPSM), Hulandes Caribense (KPCN), Aruba (KPA), Curacao (KPC), y Guardacosta.

A ser mustra cu e Cuerponan Policial den Caribe den ultimo añanan a mehora bastante, door di mehoramento di e calidad y mihor compartimento di conocimento y experticio na e paisnan.  Tres aña pasa e prome pasonan a wordo tuma pa cu esaki, y den tempo relativamente corto por a mira ya hopi adelanto.  Cu e extra placa aki, e desaroyo aki lo bay sigui su bon rumbo.

Ta trata aki di un co-financiamento unda e paisnan mes ta cubri e costonan di e viahe y estadia.  E opleiding cu ta wordo ofreci ta mescos cu esnan na Hulanda, pero lo wordo traduci te unda ta necesario, pa e contexto local.

Ministro Grapperhaus a anuncia esaki durante e bi-anual cumbre di Justitieel Vierpartijenoverleg (JVO) cu e Ministronan di Husticia di Aruba, St. Maarten, y Curacao.

“E bon ta pa continua cu e ambicion di mehora e cooperacion desplega aki.  Tur mi dos Hefe di Polis, esun di Caribe Hulandes y di Polis Hulandes, y ami ta sostene e proceso aki cu asesoramento y accion.  Pa area Caribense e ta importante y pa Reino Hulandes tambe cu por traha pa mehora e forza policial.  Ningun di nos por lucha nos so contra e delincuentenan cu ta menaza ciudadanonan y sociedad,” Grapperhaus a bisa.

   WIERDA HEFE DI R.S.T.:

Durante e cumbre di JVO, e cuatro Ministronan a vota tambe di acuerdo pa nombra van Helmoed Wierda como teamchef pa Recherchesamenwerkingsteam (RST) di Aruba, St. Maarten, Curacao, Caribe Hulandes, y Hulanda.  Wierda aworaki ta hefe di operacion na Polis Rotterdam.  E nombramento aki lo drenta na vigor dia 1 di December 2019.

 

- Advertisement -

DUNA COMENTARIO

Please enter your comment!
Please enter your name here