Home Labor Investigacion di Directie Arbeid & Onderzoek ta mustra cu desempleo na Aruba...

Investigacion di Directie Arbeid & Onderzoek ta mustra cu desempleo na Aruba a baha di 8.9% na 2017, pa 7.3% na 2018

41
0
SHARE
- Advertisement -

ORANJESTAD(AAN): Directie Arbeid & Onderzoek (DAO) a hasi un asina yama ‘Arbeidskrachtenonderzoek’ (AKO) na 2018, pa haya un bon bista riba e forza laboral na Aruba.

Durante e conferencia di prensa, director di DAO Yvonne Lee-Perez a cuminza na bisa cu e investigacion tabata posibel door cu un team completo a participa, incluyendo empleadonan tambe di Centraal Bureau Statistiek (CBS).

Esaki ta di 8 biaha cu a hasi e investigacion aki, unda cu den e ultimo 4 añanan e investigacion aki ta wordo hasi den cooperacion cu CBS y Banco Central di Aruba.

Un di e resultadonan di e investigacion ta cu e cifra di desempleo a baha di 8.9% na 2017 pa 7.3% na 2018.

Na 2018 tabata tin un total di 4068 hende sin trabao, cu ta un bahada di 1048.

Si bo compara Aruba cu otro paisnan den nos region, na 2018 nos ta pertenece na e paisnan cu e cifra mas abao di desempleo.

Corsow tabata na 13.4%, pa St. Maarten esaki ta 9.9%, Barbados 11.4%,  Bahamas 10.7%,  Bermuda 6.0%, Trinidad & Tobago 4.4% y Cayman Islands 2.8%.

E director di DAO a splica tambe cu si bo wak e cifra di desempleo na Aruba bao di e hombernan, esaki a baha di 9.2% na 2017 pa 7.4% na 2018.

Pa hendenan muher esaki a baha di 8.6 na 2017 pa 7.2 na 2018.

Pa loke ta e cantidad di trahador, e investigacion  a determina cu na November 2018 Aruba tabata tin 55.845 hende ta traha.

Esaki ta un bahada di 1489 compara cu na 2017.

E investigacion di DAO a mustra tambe cu na 2018 tabata tin 35.655 inactivo riba e mercado laboral.

Esaki ta un aumento di 2506 compara cu na 2017.

Ta trata aki mas tanto di esnan pensiona y mucha y hobennan cu ainda ta bay school.

 

- Advertisement -

DUNA COMENTARIO

Please enter your comment!
Please enter your name here