Home Enseñanza Iron Order Club ta organiza ride ‘Ban bek Scol’ dia 4 di...

Iron Order Club ta organiza ride ‘Ban bek Scol’ dia 4 di Augustus

27
0
SHARE
- Advertisement -

Dedica na muchanan di Colegio Santa Famia

ORANJESTAD (AAN): Iron Order Club a convoca un rueda di prensa diahuebs atardi unda nan a anuncia nan proximo actividad cual ta un “Ban Bek Scol”.

Jahairo Dania, presidente di Iron Orden a laga sa cu e aña aki nan kier haci un ‘ride’ dedica na muchanan den necesidad y pesey nan a acerca diferente instancia  y compania pa asina por tene un bunita gesto na algun alumno di Colegio Santa Famia.

Vladimir de Cuba, vice presidente di e organizacion a bisa cu esaki ta nan prome ride anual y nan a haci un sondeo y nan a nota cu hopi mucha na scol tin cierto necesidadnan.  A base di esey a combersa cu e cabezante di Colegio Santa Famia y a opta pa regala algun mucha di e scol un tas cu tur articulonan basico pa nan por cuminda e aña escolar nobo. Tambe nan lo haya un voucher pa asina haya un set di uniform.

El a laga sa cu Iron Order ta un club di motociclista cu tin 4 aña di existencia. Ta un club internacional na varios pais tur parti di mundo.

“Como parti di nos organizacion como Iron Order ta un deber di nos pa organiza un evento caritativo y duna bek na pueblo. Esey ta encera e parti aki cu nos ta organiza e ride aki mas oficial e aña aki pa duna e muchanan e gesto pa nan por start scol”, de Cuba a manifesta.

E ride lo ta dia 4 di Augustus. Lo topa 3:45 pm y lo sali 4:30 pm for di Urataka Center direccion rotonde di Macuarima pa yega na e cruzada di 88 food Market pa bay direccion rotonde di ex Drive In. Lo dal un keiro den Savaneta, Brazil y rond di 5:30 lo para na Colegio Santa Famia unda lo haci entrega di e tas di scol na e muchanan.

Despues lo bay direccion Young Fellow Bar, cual ta un di nan lugarnan crioyo. Despues lo sali direccion pabao pasa den Caya Grandi y bay finaliza na Let’s Chill Cafe. Eynan lo tin diferente premio atractivo pa tur esnan cu a participa den e ride.

Lo tin como premio weekend stay, pasashinan, dinner, lunch y otro premionan atractivo. Na final di e ride lo saca e ganadornan, cual mester ta presente.

Vladimir de Cuba a enfatiza cu esaki ta un ‘ride’ y no un ‘race’. Pesey ta pidi tur e participantenan cooperacion di un manera civico.

Pa registra no mester paga, pero pa haci esaki tin un webpage.

 

- Advertisement -

DUNA COMENTARIO

Please enter your comment!
Please enter your name here