Home Hudicial Libertad temporal pa homber haya cu arma cu el a bay sconde...

Libertad temporal pa homber haya cu arma cu el a bay sconde pa su tata

144
0
SHARE
- Advertisement -

Abogado a logra convence Hues

ORANJESTAD (AAN): Recien den Corte di Husticia di Aruba tabatin un interesante caso, caminda e homber M., despues di defense presenta pa mr. Zara, a logra haya libertad pendiente di e caso penal cu Ministerio Publico a cuminsa contra dje.

    POSECION DI ARMA Y BALA:

E acusacion cu Fiscal a presenta den Corte contra M. ta cu riba 25 April 2019 e tabata den posecion di arma di candela y balanan. Fiscal a bisa cu e caso ta pro forma.

El a propone pa tratamento di e caso sosode dia 8 November 2019 pa 9’or di mainta. Fiscal a bisa Hues cu ainda e procesverbaal no ta cla.

    PIDI LAGA SOSPECHOSO LIBER:

Abogado mr. Zara a bisa Hues cu M. a bay coy e arma di su tata cu ta sera den KIA na cas di su mama pa warda esaki. E abogado ta haya cu M. no tabatin e arma den su poder. Su intension no tabata pa tin un arma di candela den su poder. El a warda e arma pa su tata.

E abogado a bisa Hues cu e ta haya cu M. lo mester haya castigo di trabao pa comunidad. El a bisa cu ta promer biaha cu M. ta cay sera y e tempo cu e ta sera ta suficiente pa loke el a haci. El a pidi Hues pa laga M. liber pendiente di e caso.

   FISCAL TA CONTRA:

Fiscal a reacciona cu M. tabatin un arma warda pa su tata na cas di su mama. Segun Fiscal, M. a bisa Polis cu el a haya e arma den mondi. Na opinion di Fiscal, esaki ta prueba cu M. tabatin arma den su poder.

Fiscal a bisa Hues cu e no ta haya cu M. ya a haya suficiente castigo y cu e mester keda sera.

   SOSPECHOSO LAGA LIBER:

Hues a bisa cu e ta pospone e caso un rato pa evalua e peticion di abogado mr. Zara. Hues a bolbe y a bisa cu teniendo cuenta cu ta promer biaha cu M. ta cay sera y cu el a haci esaki riba peticion di tata, Hues a dicidi di suspende su detencion.

Hues a bisa cu e kier pa M. pensa hopi bon kico el a haci cual ta contra ley. Hues a bisa cu e ta pospone e caso pa dia 3 October 2019 pa 10.30 di mainta. Den sala di Corte tabata presente e mama di M. y su partner kendenan a brasa otro y yora di alegria cu M. a haya su

libertad.

- Advertisement -

DUNA COMENTARIO

Please enter your comment!
Please enter your name here