Home Gobierno Lo haci posible cu victima di abuso of su representante por hiba...

Lo haci posible cu victima di abuso of su representante por hiba palabra

54
0
SHARE
- Advertisement -

Den e Codigo di Procedimento Penal nobo:

ORANJESTAD (AAN)—Fuera di e Concepto di Ley cu a bay pa Raad van Advies, relaciona cu castigo maximo pa casonan di abuso di mucha, Minister mr. Andin Bikker, Titular di Husticia, den conferencia di prensa di gobierno a elabora tocante un cambio cu ta bay introduci den e Codigo di Procedimento Penal nobo (Wetboek van strafwordering).

E proceso aki ta hopi leu caba, e dignatario a indica, y den esaki ta introduciendo, entre otro, e derecho di e victima of un persona hopi cerca di dje, por ehemplo su representante legal, pa ora ta trata e caso penal contra e persona cu a comete e tipo di crimen (manera abuso di mucha) tambe tin derecho di hiba palabra, prome cu Huez tuma un decision.

Te aworaki, aki na Aruba, ora cu un caso penal wordo hiba e victima no por hiba palabra y basicamente Ministerio Publico ta hiba palabra pe, y e abogado cu ta representa e acusado, pero e victima mes ni su representante por haci esaki, al menos cu e ta entrega un claim material.

Pero hopi biaha esaki ta encera aspectonan emocional, inmaterial, y esey ta haci cu na Hulanda ya caba for di 2014 a introduci e dimension unda e victima of su representante legal tin nodi di hiba palabra ora tin caso penal.

Pa seguridad di e victima, Minister Bikker a subraya, ta hopi importante pa den caso di e crimennan atroz aki, cu e victima por hiba palabra tambe pa Huez tume na consideracion na momento di impone un tipo di castigo y tene na cuenta tambe ki impacto e crimen tabata tin riba e victima y su medio ambiente.

- Advertisement -

DUNA COMENTARIO

Please enter your comment!
Please enter your name here