Home General Mester evita pa posnan di awa dushi bira “septic tank”

Mester evita pa posnan di awa dushi bira “septic tank”

44
0
SHARE
- Advertisement -

Nathalie Maduro di Santa Rosa

ORANJESTAD (AAN): Nathalie Maduro, director di Santa Rosa a elabora tocante e situacion di e pos na Bakval. El a splica cu e pos aki, Santa Rosa a haci un peticion caba na aña 2012 y eynan a haci un proyecto unda pa medio di mapanan bieu cu tabata tin na Santa Rosa a purba di identifica unda e posnan ta.

A haya un lista di mas o menos 500 pos e tempo ey, di cual 100 so mayoria di nan tabata gedempel, of cu e bisiñanan a bisa unda nan tabata y for di e 100 ey por a scoge 10, di cual 5 tabata pa pone mulina na nan, Maduro a splica.

El a menciona cu locual ta di lamenta den e caso di Bakval ta cu no mester a roza. Tabata un tereno habri caba y por a wak cu e bisiñanan tabata mantene y basha awa. Pa loke ta e calidad di awa por bisa cu esaki ta un di e mihor posnan cu tin na Aruba.

El a gradici director di DIP Haime Croes, pasobra manera cu el a haya notificacion diasabra el a tuma contacto cune y cu Sra. Isabel Dammers. Di inmediato el a haya contesta bek y DIP a cuminza check cu nan team kico ta pasando.

Pa dialuna ya caba DIP a bay haci opname y a logra para e trabaonan cu a pasa ariba e tereno.

Santa Rosa a aplaudi ora cu bisiñanan ta tuma e tipo di reaccionnan ey pasobra posnan casi no tin mas na Aruba. “Pa locual nos kier haci un apelacion na tur hende y henter e comunidad. Si boso a haya un tereno of si acaso boso sa di un pos cu tin, it doesn’t matter si e ta seco of si kizas e ta sushi. Importante ta pa nos por sa unda nan ta pa nos por GPSnan y alaves pa nos por wak si kizas den futuro nos por haci nan limpi, si en caso mes cu nan ta bashi”.

Locual mester zorg ta pa nan no bira septic tank di ningun cas. Ora cu nan a haci un investigacion na 2012, hopi di e terenonan unda tabata tin posnan di awa dushi, logicamente ta mas facil pa esun cu ta bay traha e cas, pero cu nan a hacie nan septic tank.

Mester compronde cu e posnan hopi biaha nan ta ariba un ader y e ader ta conecta un na otro. Na momento cu ta hacie un septic tank e ta bay contamina henter e ader. Den caso cu mañan, e nivel di lama baha y cu tin chens pa tin awa dushi na cierto posnan bek, nan ta bay ta probablemente contamina, Nathalie Maduro a remarca.

Un apelacion pa meld cualkier caso na Santa Rosa of na DIP pa asina por bin cu un maneho cu por conserva e posnan aki.

- Advertisement -

DUNA COMENTARIO

Please enter your comment!
Please enter your name here