Home Enseñanza Miho graduadonan di Aruba honra pa Women’s Club of Aruba

Miho graduadonan di Aruba honra pa Women’s Club of Aruba

299
0
SHARE
- Advertisement -

ORANJESTAD (AAN) — Diadomingo, 8 di juli 2019, a tuma luga den Ballroom di Alhambra DIVI Resort, e evento anual di Women’s Club of Aruba “Students Award Presentation Dinner 2019”. Alaves, e evento di mas grandi pa fin di aña escolar, caminda ta honra e miho graduadonan di Aruba.

Tabata presente pa e ocasion aki su excelencia Gobernador sr. Alfonso Boekhoudt y distinguida esposa, sra. Hanneke Boekhoudt-Koetse, minister di Enseñansa, Ciencia y Desaroyo Sostenible, sr. dr. Armando (Rudy) Lampe y su distinguida esposa sra. Sandra Lampe, Fundacion Parlamento Hubenil Aruba, presidente sr. Emanuel Koolman, representante di CMB, sr. Ilán Lopez.

Invitado especial sra. Merveline Geerman-Giel, un miho graduado 1980 y su distinguido esposo sr. Mike Geerman. Sra. Paula Mendoza representando dos negoshi reconoci, mayornan, demas famia y amigonan di e miho graduadonan pa 2019, cu sigur a bin pa apoya e graduadonan durante un anochi bunita prepara door di e comitiva di Students Awards Presentation Dinner 2019. Sra. Dilma Arends-Geerman a fungi como MC e anochi aki.

Vice-presidente di Women’s Club of Aruba Omaira Silva a habri e anochi special cu un bon bini na tur presente. Y di parti di president di WCA sra. Milagros Posner, cu tabata ausente a expresa su palabra na e miho graduadonan cu un mensahe pa sigui padilanti y hopi pabien cu nan logronan. sra. Omaira Silva tambe a invita e damanan di comitiva bin dilanti pa wordo reconoce.

E comision di Student Awards pa 2019 ta: Chairman di Students Awards, Jeanne Ecury, y miembronan Emperatriz Perdomo, Marva Solagnier, Marjorie Dijkhoff, Mary Droogh, Martha de Miranda, Angéle Geerman, Greta Williams, Bernadette Schouten, Astrid Berlinski y Reina Geerman.

Minister di di Enseñanza, Ciencia y Desaroyo Sostenible, sr. dr. Armando (Rudy) Lampe a dirigi palabra na e miho graduadonan tambe y sra. Merveline Geerman-Giel a duna su testimonio pa tin hopi curashi pa sigui dilanti, ‘no matter what’.

Despues a invita miembro honoraria di Women’s Club of Aruba sra. Hanneke Boekhoudt-Koetse, dilanti pa entrega di plakaatnan y regalonan na e miho graduadonan di Aruba y na un forma elocuente a haci entrega, junto cu sra. Jeanne Ecury Chairman di e comitiva di Students Award 2019. Sr. Ilán Lopez di CMB, e sponsor cu a haci un donacion grandi pa e evento especial aki y a haci entrega di e regalo na cada un di e graduadonan.

Esnan cu a ricibi honor tabata: Gislaine van der Linde IPA – Sabrina Alessandra Reale ISA – Rebecca Emily Croes VWO – Andrea Dalía Maria Wouters HAVO – O’stad – Christine Chaniel Leanne Williams HAVO – San Nicolaas – Diteng Wu MAVO 7 vakken Juliana School – Rakisha K. Gomez MAVO 7 vakken Colegio San Antonio – Jeandrick Axel Wolff MAVO 6 vakken La Salle College – Suk-Kam Susanna Yue EPI Unit Ciencia y Tecnologia (Bouwkunde) – Rishena Lysandra E. Dirkz EPI Unit Economia (Directie Secretaresse) – Lina Mendoza Trujillo EPI Unit Hospitalidad y Turismo  (Associate of Science Degree) – Silvana Quintero Romero EPI Unit Hospitalidad y Turismo  (Associate of Applied Science Degree) – Susana He Wu EPI Unit Salubridad y Servicio (Apothekersassistent) – John Jairo Maduro EPI Unit Hospitalidad y Turismo (Associate of Science Degree) – Arianna Faro EPB: Niveau Doorstroom (O’stad) – Luciany Bueno Quiroz EPB: Niveau Uitstroom (O’stad) – Carol Lopez Reyes EPB: Niveau Arbeidsmarkt (O’stad) – Sharwina, Richenella Kock SPO: Scol Practico pa Ofishi(Santa Cruz) – Juan David Alvarez Mira Avond HAVO – sra. Olbrine Tromp Avond MAVO.

Tabata un anochi ameno y alegre, e miho graduadonan a haya e oportunidad pa saca potret cu su excelencia sr. Gobernador, minister di di Enseñansa, Ciencia y Desaroyo Sostenible, sra. Boekhoudt, sra Jeanne Ecury y vice-presidente Omaira Silva.

Na final di e anochi, Women’s Club of Aruba su vice-presidente, Omaira Silva a duna un palabra di danki na tur presente y en especial tur e sponsors, DJ Chris y sra. Dilma Arends como MC, y a clausura e anochi, cu un rifa di e decoracion di mesa un vaas cu flor.

WCA kier a haci uso di e oportunidad aki pa gradici tur instancia cu di un forma of otro a contribui cu un regalo of donacion pa tur graduado pa asina haci e anochi aki uno inolvidable pa e miho graduadonan di Aruba!

- Advertisement -

DUNA COMENTARIO

Please enter your comment!
Please enter your name here