Home Gobierno Minister Glenbert Croes tin te October pa keda cla cu bevordering pa...

Minister Glenbert Croes tin te October pa keda cla cu bevordering pa trahadornan di SVGA

18
0
SHARE
- Advertisement -

Y pa September cu proposicion pa areglo nobo di subsidio

ORANJESTAD (AAN):  Despues cu Minister Glenbert Croes a reuni cu Rudy Geerman di sindicato FTA tocante e asunto di bevordering pa e trahadornan di SVGA, el a bay den Conseho di Minister pa asina haci un proposicion pa atende cu e areglo di subsidio pa e fundacionnan.

Croes a duna di conoce cu tabata tin un bon reunion cu e trahadornan di SVGA y FTA. Nan a dune te fin di October pa keda cla cu e inventarizacion di e bevorderingnan cu tin pendiente.

Pa September tin planifica pa keda cla cu e proposicion pa un areglo nobo di subsidio cu lo mester percura pa den fututo tin paz completo pa loke ta trata e trahadornan di SVGA, e mandatario a indica.

Esaki ta bay defini e linea cora pa tur otro fundacion cu ta cay bao di e ministerio di asuntonan social cual tin 30 fundacion, el a agrega.

Tin mas tema pendiente manera cesantia cu tambe ta bay atende, hendenan cu a wordo laga den bashi pa loke ta nan pension, entre otro, Croes a señala.

CONSEHO DI MINISTER A DUNA OK

Relaciona cu e ‘deadline’ di fin di October, a indica cu den Conseho di Minister a aproba e siman aki su proposicion pa un comision, cu cooperacion di DRH pa asina inventariza e bevordering cu tin pendiente y cumpli cu nan.

A agrega cu pa via di e ‘outputsubsidie’  e fundacionnan a wordo hinca den problema pa paga ‘bashi premie’, ‘vakantie uitkeuring’. E ‘outputsubsidie’ a corta den e posibilidad ey. E carera con nan ta progresa den nan trabao y nan promocionnan pendiente no por wordo paga.

Como Minister di Labor tambe a bisa cu ta su deber pa percura pa ningun trahador wordo perhudica y mester di regl’e den un forma responsabel teniendo cuenta cu e realidad financiero. “Unda cu tin boluntad bo ta haya e caminda di e solucion y mi a propone y compromete mi mes pa yega na un solucion den mutuo entendimento cu e sindicato di e trahadornan”, Minister Croes a expresa.

- Advertisement -

DUNA COMENTARIO

Please enter your comment!
Please enter your name here