Home Gobierno Ministerio di Enseñanza mes lo bin cu su propio Afdeling Financien nobo...

Ministerio di Enseñanza mes lo bin cu su propio Afdeling Financien nobo desde 2019

160
0
SHARE
- Advertisement -

Los di Begroting Kamer pero cu mesun principionan:

ORANJESTAD (AAN) – Ministerio di Enseñanza a tuma e iniciativa di e mes cuminza pone ordo financiero na Aruba. Asina Minister Rudy Lampe, titular di Enseñanza, Ciencia y Desaroyo Sostenible, a declara den conferencia di prensa di gobierno, Diahuebs.

E mandatario a expresa cu su ministerio no ta bay warda pa Hulanda hacie, manera ta e caso di Corsow cu Hulanda a tuma iniciativa pa bin cu cierto condicionnan pa pone ordo, riba tereno financiero den e Isla ruman.

Minister Lampe a subraya cu Aruba semper ta adelanta y e iniciativa aki a keda aproba den Conseho di Minister, cu ta full un plan nobo cu su Ministerio tin pa loke ta e maneho financiero di e presupuesto di enseñanza.

Enseñanza tin e presupuesto di mas grandi di nos pais, mas cu 280 miyon ta wordo hinca den enseñanza, y pa añanan largo no tabata tin responsabilizacion adecua pa un suma asina grandi.

Pesey ta bay bin cu un Afeling Financian nobo, y ta bay crea tambe un inspeccion financiero na Inspectie Onderwijs, pa asina aki bin cu un mihor organizacion di e placa di pueblo cu ta wordo hinca den enseñanza, unda ta bay monitor e resultadonan. Pueblo ta pidi esey, segun e dignatario. Ta bay bin cu un maneho nobo di subsidio unda tur directiva di scol ta bay haya un mihor guia, mihor contacto, mas profesionalizacion di e directivanan di scol cu ta ricibiendo placa di pueblo, ya cu nan ta cien porciento subsidia pa gobierno.

“Aworaki nos ta bay drenta un era nobo unda cu principionan di bon gobernacion, accountability, ta bay conta pa tur stichting cu ta ricibiendo placa di pueblo” e dignatario a subraya.

Minister Lampe a indica asina aki un señal ta bay pa Hulanda tambe, cu Aruba mes ta tuma iniciativa pa crea un aparato gubernamental y un sistema di enseñanza mucho mas eficiente, si cu Hulanda mester bin bisa Aruba esey.

E mandatario ta spera cu pronto lo cuminza ehecuta e plan un maneho financiero hopi mas structura y sistemico di e presupuesto di enseñanza, y na final di dia e resultadonan ta mas beneficioso pa e muchanan cu ta motibo pa cual e Enseñanza ta traha.

Minister Lampe, contestando un pregunta di prensa, a bisa cu e maneho financiero aki ta los di e Begroting Kamer cu gobierno ta bay instala. Ministerio di Enseñanza no por warda cu e principionan di bon gobernacion y contabilidad te ora bin cu un Begroting Kamer, cu lo keda instala despues di 2021, pasobra esaki ta un trayecto mas largo, y pesey for di aworaki, 2019, su ministerio ta bay cuminza implementa e principionan aki pa tin un maneho financiero responsible. Ambos instancia ta los di otro, pero uni bao e mesun principionan di bon gobernacion y contabilidad, cu ta bay conta pa Begroting Kamer.

- Advertisement -

DUNA COMENTARIO

Please enter your comment!
Please enter your name here