Home General Na Augustus 2017 cu yiu a bay vacacion cu su mama y...

Na Augustus 2017 cu yiu a bay vacacion cu su mama y no a bin mas

54
0
SHARE
- Advertisement -

Un dolor cu Jeremy no por expresa

ORANJESTAD (AAN)— Jeremy Carty, tambe a hiba palabra den conferencia di prensa di gobierno, como un tata cu su yiu a wordo ranca di dje na Augustus 2017.

Carty a splica cu su yiu tabata suppose di bay vacacion cu e mama, e mes a contribui financieramente pa e vacacion aki, pero e mucha no a bin bek. Esaki ta un dolor cu el a bisa “mi no por splica ningun hende kico bo ta sinti. E ta un bashi cu ningun hende por yena”.

El a cuminza un lucha, a busca abogado, a hiba e caso den Corte locual ta hopi costoso, y aunke esaki no ta cla, a logra cu su yiu ta di vacacion na Aruba hunto cune.

El a acerca Fundacion Kids Rights Empowerment, y aworaki e no ta pensando riba su yiu y e mes so, pero e kier pa yega na un reglamento unda e tata tambe tin algo di bisa. E no tabata sa cu e regla ta cu e tata tin nada di bisa (si no ta casa cu e mama di e criatura). E kier tambe pa e ley cambia, y pa un y tur uni pa cambia e ley existente.

E ta hopi contento cu su yiu ta na Aruba cune pa un luna y esaki ta su momento pa e disfruta di su yiu y pa e sa cu e ta stime y cu e no ta bay give up.

Jeremy a comenta cu el a bin varios biaha den prensa, y a ricibi hopi reaccion, di personanan cu tin situacionnan hopi similar, y si no tin placa pa acudi na e caminda legal ta mas duro ainda. El a expresa cu danki Dios e tin un famia cu ta dune sosten y e por a paga un abogado y bay Corte, locual e mester a haci na Corsow mes, unda e mama a bay cu e yiu.

El a pensa tambe no solamente den e tatanan cu ta pasando den algo asina, pero tambe den e mamanan cu tambe sa pasa den dje, y cu ta necesario pa den un circunstancia asina e tin algo di bisa. E asunto aki no ta di e fundacion of di e dos victimanan aki, pero di henter comunidad, Jeremy a subraya.

- Advertisement -

DUNA COMENTARIO

Please enter your comment!
Please enter your name here