Home General “Net Booshi Wever cu a confirma cu el a falsifica diploma y...

“Net Booshi Wever cu a confirma cu el a falsifica diploma y ta core pa husticia di Venezuela kier cuestiona hende?”

247
0
SHARE
- Advertisement -

Otmar Oduber:

ORANJESTAD  (AAN):  Durante di un conferencia di prensa di Minister di Infrastructura, Medio Ambiente y Desaroyo Teritorial Otmar Oduber, prensa a puntra e mandatario su reaccion riba e hecho cu Booshi Wever y e parlamentarionan di AVP ta cuestiona e hecho cu e no a duna nan copia di e documentonan relaciona cu e incinerator cu nan a pidi pe.

“E ta masha facil, nos tin un ley di LOB cu ta describi e 4 maneranan con un minister por duna oido na un peticion di LOB”.

“No ta algo cu mi a inventa, sino ta e ley ta papia di esaki”.

“Un di nan ta entre otro cu bo por duna un copia si bo ta haya cu e no ta trece ningun peliger pa e estado of cu esaki no ta viola derechonan di otro hende”.

Esaki segun Oduber, kende a sigui bisa cu e mesun ley ta bisa cu e minister por laga hende wak den e documentonan, mientras cu otro parti ta bisa cu e minister por traha un resumen di locual tin para den e documentonan.

“Nos  a pone tur documento disponibel pa Señor Wever den e caso aki y el a sinta lesa e documentonan durante 1 ora largo”.

“E no a hasi un peticion pa ningun documento adicional, pero simplemente e ta exigi cu e kier haya copia”.

“Nos conoce Wever su forma di lastra tur hende den comunidad, anto mi ta ere cu na momento cu tin un destaho serio ta tuma lugar caminda cu bo ta haya tur oportunidad pa lesa tur e documentonan, si bo a lesa algo robez den e documentonan bo caminda di cana ta pa bay Ministerio Publico, bo ta entrega un keho, Landsrecherche despues mediante huez por exigi copianan di e documentonan”.

“Esey ta e proceso den un estado normal di derecho decente”.

“Mi no sa si Wever por forma parti di esey”.

Esaki segun e mandatario, kende a sigui bisa cu Wever kier haya documentonan di e companianan cu a participa na e destaho, pa e bay saca den publicidad cuanto e companianan tin den banco etc.

Oduber a sigui bisa cu Marlon Sneek di AVP aparentemente a lanta for di soño awor numa, pasobra pa alrededor di 1 ora y mey durante un asina yama ‘vragen uur’ den Parlamento, tur  e documentonan tabata disponibel pa lesa.

“Marlon Sneek no a bay sinta ni 1 seconde na e mesa pa e wak sikiera ta ki papel tin eynan”.

Esaki segun e minister, kende a sigui bisa cu net Marlon Sneek ta papia di falta di transparencia, mientras cu e tabata den Parlamento, ora cu un contrato di Citgo a wordo poni cu 2 bodyguard banda di dje, unda cu ningun hende tabata tin mag di haya un copia.

“Pa loke ta Wever, ta strañami si cu e ta gusta yama hende pa corupto cada biaha manera cu e ta haya gana”.

“Ami a bisa cu mi no ta bay duna Wever atencion, pero e ta un persona cu den su bida a confirma cu el a falsifica diploma, e ta un persona cu a bin cu whisky y gasolin pa Aruba como contrabando y e ta un persona cu ta wordo busca pa autoridadnan di Venezuela”.

“Te awe su yate ta pega na Venezuela y e no por bay buske”.

“Bo ta kere un hende asina por tin e credibilidad di yama un hende corupto den e pais aki?”.

“Nos mester keda serio”, segun e mandatario.

“Ni den un combinacion riba un lista cu Benny Nisbet el a logra haya 500 voto den ultimo eleccion”.

“Na cierto momento bo tin cu saca bo conclusion”, el a sigui bisa.

 

- Advertisement -

DUNA COMENTARIO

Please enter your comment!
Please enter your name here