Home Hudicial Ocho luna di prison pa Chines cu tabata bende droga

Ocho luna di prison pa Chines cu tabata bende droga

394
0
SHARE
- Advertisement -

ORANJESTAD (AAN): E Chines Y.C.S. di Paradera acusa di bendemento di droga, ayera mainta a scucha Hues bisa cu e ta culpable di bendemento di marihuana y cu Hues ta haya e castigo exigi pa Fiscal na su lugar.

Dia 18 November 2018, Polis a detene Y.C.S. despues cu a haci un investigacion na e restaurant unda e tabata keda. Door di holo di marihuana, Polis a bay haci investigacion y a haya mas cu 400 gram di marihuana. Y.C.S. a bisa cu e tabata bende pa 1 aña y 4 luna.

    PRUEBA TA LEGAL HAYA:

Hues a reacciona riba defensa di abogado, kende a bisa cu e prueba ta ilegal pasobra Polis a bay den lugar sin haya permiso. Hues tin otro opinion. Hues a bisa cu dia 18 November 2018 ora cu Polis a detene Y.C.S., el a duna permiso pa listra den e cas y restaurant. Hues ta haya cu e droga a worde haya na forma legal. Hues a rechaza ponencia di abogado.

Hues ta haya legalmente proba cu Y.C.S. entre Augustus 2017 y November 2018 tabata bende droga y tabatin e droga den posecion.

Hues a reacciona riba e defensa di abogado, cu no mester bay tras declaracion di Y.C.S. pasobra e tabata bou influencia di droga. Hues a bisa cu no ta acceptable cu Y.C.S. lo tabata ainda bou influencia mirando ora cu el a worde detene y e momento cu el a worde interoga.

Hues ta haya cu no tin motibo pa duda den Y.C.S. su mesun declaracion.

    CASTIGO:

Hues a bisa cu durante 1 aña y 4 luna, YC.S. tabata bende marihuana. Ta conoci cu droga ta causa criminalidad. Hues a tene cuenta cu ta promer biaha cu Y.C.S. a cay sera. Hues a confirma e exigencia di Fiscal y a condena Y.C.S. na 12 luna di prison di cual 4 luna ta condicional cu un tempo di prueba di 3 aña.

 

- Advertisement -

DUNA COMENTARIO

Please enter your comment!
Please enter your name here