Home General Ora un hende di afo bishita Aruba y ta keda na un...

Ora un hende di afo bishita Aruba y ta keda na un adres residencial mester carta di garantia

38
0
SHARE
- Advertisement -

Ta importante pa sa:

ORANJESTAD  (AAN):   Tin biaha tin hopi pregunta relaciona cu e proceduranan pa trece un hende di afo pa pasa un temporada na Aruba.

E maneho actual pa loke ta entrada di personanan cu ta keda hospeda na un cas aki na Aruba ta diferente compara pa ora un persona ta drenta como turista y te keda na un hotel.

Antes, pa e venezolanonan tabata pidi un carta di garantia. Aworaki segun DIARIO  por a compronde for di Migracion Aruba, tur persona cu kier drenta Aruba y cu ta bay keda cerca un familiar of un conocir mester tin un ‘carta di garantia’.

E carta aki di garantia pa por haye mester traha prome un cita online pa medio di e website of e fagebook page di Migracion Aruba.

Migracion Aruba pa medio di nan facebook page ta informa cu e proceso di haci un peticion online pa un cita sea ta pa carta di garantia of extencion turistico, ta GRATIS. No tin ningun costo envolvi ora di registra online pa e pre-scanning.

Aplica pa carta di garantia of extencion turistico GRATIS riba nan website www.migracionaruba.com

Ora cu ta aplica pa carta di garantia pa trece un persona stranhero vakantie Aruba, e ta hopi importante pa bo tene na cuenta cu e persona aki NO MAG DI TRAHA bou di ningun circunstancia na Aruba. Y e garante ta esun cu lo keda RESPONSABEL pa e stranhero tanten cu e ta ariba nos isla.

Bishitantenan di Santo Domingo, Haiti y Jamaica ta VISUMPLICHTIG. Pa e carta di invitacion apostilla cu tin cu bay na embahada di nan pais, tin cu acudi na Directie Wetgeving en Juridische Zaken (DWJZ) na Schotlandstraat 53.

- Advertisement -

DUNA COMENTARIO

Please enter your comment!
Please enter your name here