Home Cultura Palabra di agradecimento di Vivienno Frank pa recepcion di su buki

Palabra di agradecimento di Vivienno Frank pa recepcion di su buki

27
0
SHARE
- Advertisement -

ORANJESTAD (AAN) Siman pasa Sr. Vi Frank tabatin su presentacion di e buki “Aruba en een keuze uit haar toponiemen” na Biblioteca Nacional Aruba.

El a worde super sorprendi pa e acogida enorme cu tabata tin. Sala di Biblioteca a yena completamente y di tur banda felicitacionnan a cay. Humildemente e kier a duna danki na un y tur cu a bin presencia e anochi aki, caminda trabao di diez aña largo por fin a mira luz di dia. E no tin palabra pa expresa con el a sinti despues di tanto apoyo.

Tambe e kier a duna danki na señora Astrid Britten y Des Croes di Biblioteca Nacional pa a duna mi e oportunidad pa presenta mi buki eynan. Tambe e kier a duna sr. Alexis Tromp y su team di expertonan den media audiovisual di Biblioteca pa nan bunita trabao e anochi ey. Un palabra tambe di danki na e team di Archivo Nacional Aruba y tambe Kadasterkantoor cu a facilita pa haya documentonan bieu y hopi importante den ambos nan archivo nan.

Mi kier a prensa en general danki pa nan bunita cobertura, y tambe duna danki na juffrouw Tromp di 24-ora pa su entrevista, aunke alavez mi kier a haci un coreccion chikito aki: Mi a bisa cu den mi profecion di Landmeter, un cos ta of bon of fout, y mester traha mas perfecto posibel y ora mi traha e mester ta perfecto (den Cadaster). Den e entrevista ta parse manera cu mi ta gaba e buki como perfecto, pero manera nos tur sa niun hende ta perfecto y semper lo tin fout.

Por ultimo e kier a gradesi sr. Addoncito Croes pa su relato chikito den corant, pero alavez mi kier a haci un coreccion chikito ariba locual el a skirbi di Juwana Morto. Den e buki ta para letterlijk cu un di e posibel splikacionnan di e origen di e nomber ta “Juana Morto”, na nomber di e curandera Juana cu tabata biba den antaño eynan y cu nan a haya morto. Por ta sr. Croes no a lesa e parti ey cu suficiente atencion, pero danki toch p’e articulo den corant.

E kier a anuncia tambe cu desde comienzo di Augustus e buki lo ta na benta na mayoria boekhandel y por yama desde awe libremente na nan pa haci reservacion.  DIARIO tambe ta felicita Vivienno “Vi” Frank cu e fabuloso buki aki.

- Advertisement -

DUNA COMENTARIO

Please enter your comment!
Please enter your name here