Home General Parehanan cu tin yiu pero no ta casa e mama so tin...

Parehanan cu tin yiu pero no ta casa e mama so tin custodia di e muchanan

59
0
SHARE
- Advertisement -

Janine Wever di Fundacion Kids Rights Empowerment:

ORANJESTAD (AAN)— Janine Wever, di Fundacion Kids Rights Empowerment, den conferencia di prensa Diahuebs mainta, invita pa Prome Minister mr. Evelyn Wever-Croes, el a splica un poco tocante e trabao di e fundacion.

El a menciona cu bibando hopi di acerca e “parental alienation” door di Edmar Gietel su caso, y con el a afecta no solamente e como tata, pero henter e famia, el a bin compronde cu e ta algo cu no ta caba pero e ta un cadena cu ta sigui, pasobra henter su famia y su amigonan di scol tur a wordo afecta.

Locual e fundacion kier logra ta na prome lugar, concientiza cu cada mucha tin derecho. Cu Aruba tin firma e Tratado di Derecho di Mucha for di 2001, y nan kier enfatiza riba esaki y recorda cada adulto riba su obligacion pa cumpli cu esaki y guia e yiunan.

E Fundacion ta enfatiza riba e importancia di e comunicacion di yiu y mayornan semper y cuando no ta pa peligro di e mucha sin pa su beneficio.

Aworaki, den temporada di vacacion, y cu hopi mucha ta viahando ta di hopi importancia pa sa cu no tur tata na Aruba, tin e mesun derecho legal.

Un tata cu nunca a casa cu e mama, sea a reconoce of no e yiu, e no tin derecho riba e mucha aunke e carga su fam. Automaticamente e no tin derecho. Pero por regla esaki ainda, door di traha un plan  di ouderengezag hunto cu e mama of nan por bay Corte pa esaki. E ta costa placa pero e ta na nan beneficio.

Sra. Wever a subraya cu Imigracion ta haciendo su trabao y nan ta controla. Si un mayor bay biaha cu menornan wak pa tin e carta firma di e otro banda di e mayornan. Esaki no ta kita afo cu ta keda un peligro ainda door cu ley ta bisa cu e tatanan cu no a casa e mama so tin ouderengezag (autoridad di mayor) di e yiunan y nan por sali di Aruba sin firma di e tata.

E dama a subraya pa sea cauteloso, pasobra loke a pasa cu Edmar y Jeremy, no solamente nan ta victima di secuestro parental, pero tur dos a haya sa cu nan no tin autoridad di mayor, ora cu e muchanan no tabata tey mas.

Personanan cu mester di mas informacion por subi e fb page di e Fundacion Kids Rights Empowerment, y cu mil amor nan ta wordo yuda.

- Advertisement -

DUNA COMENTARIO

Please enter your comment!
Please enter your name here