Home Parlamento Parlamentario Alan Howell contento cu Polis su oficina nobo di TOP

Parlamentario Alan Howell contento cu Polis su oficina nobo di TOP

41
0
SHARE
- Advertisement -

ORANJESTAD (AAN): Den reunion publico aña pasa durante tratamento di presupuesto 2019 polisnan a haci un peticion special na parlamentario Alan Howell.

Mirando cu e oficina di e polisnan di Tourism Oriented Policing (TOP) den Seaport Mall a worde cera durante gobernacion anterior, e servicio y visibilidad di e polisnan di TOP no tabata como debe ser.

Polisnan di TOP a bay back den Warda di Playa. Pa tal motibo a acerca Parlamentario Howell cu e peticion pa por haya un stacion cerca di e area di waf y cerca di e turistanan.

Alan a cumpli cu e peticion di su coleganan y a haci peticion na Minister di Husticia den reunion publico. Durante e mesun reunion y contestanto Howell, Minister Andin Bikker a confirma cu e lo zorg pa esaki tuma lugar mas lihe cu ta posibel.

Segun Howell, awor por mira cu Minister Bikker a cumpli. E stacion a habri ariba Gem Stones. “Esaki ta un necesidad pa mantene ordo y pa visibilidad policial tey pa nos turistanan. Asina sigur nan lo por sinti nan mas safe tambe. Un danki na Minister Bikker pa scucha e peticion di Cuerpo Policial y muy especial e polisnan di TOP. Un danki tambe na Minister di Turismo Sr. Dangui Oduber, AHATA y ATA”, Alan Howell a conclui.

- Advertisement -

DUNA COMENTARIO

Please enter your comment!
Please enter your name here