Home Parlamento Parlamentario Endy Croes cu criticanan hopi fuerte den direccion di Hospital

Parlamentario Endy Croes cu criticanan hopi fuerte den direccion di Hospital

130
0
SHARE
- Advertisement -

ORANJESTAD (AAN): Parlamentario Endy Croes den conferencia di prensa a bay basta fuerte riba Hospital. Hospital aña aden aña afo ta blanco di critica. Desde cu Coalicion a tuma over gobernacion a encontra un caos entre otro den construccion di Hospital.

E pesadiya di Hospital

Manera nos sa tur pero tur e proyectonan di AVP, si no tin placa envolvi pa e “clan” di AVP, e proyecto no tin ningun valides. Nos sospecho ta cu den Hospital esaki no a bay diferente. AVP a firma contracto desde 16 di april 2014 y desde aki e pesadiya a cuminsa. Ata na caminda falta (OR) esta Operating Rooms, ICU unites esta Intensive care Units, Microbiology.

Kendenan tabata na soño durante preparacion di e proyecto aki? Ata na januari 2018 ta solicita 107 MIYON extra pa e proyecto aki pa termina diferente parti cu a wordo lubida (kisas pa express) den e proyecto di Hospital.

Un total di 15 MIYON hinca den “cost of project delay”. Ta pa ken nan ta tuma pueblo aki anto? Lo mester paga 29 aña largo 30 miyon pa aña cual lo costa pueblo alrededor di 900 MIYON total. Hopi tristo.

Gelijm riba stoel

Banda di esaki gobierno a cambia y mesun Luenne Pieters, Gino Goeloe, Ezzard Cilie, Westrate di Raad van Toezicht ta gelijm riba e stoel.

Recientemente Amigoe di Aruba a publica un artikel hopi tendencioso alrespecto. Laboratorio di Hospital y henter e Raad van Toezicht ta riba un “mute”. Tin cero comunicacion y cero transparencia. Parlamentario Endy Croes a splica como bon profesional netjes ta cu bo mes ta entrega bo retiro.

Como Parlamento nos ta studiando tambe cambionan cu mester bin den futuro cercano den e structura aki. No por ta asina AZV ta paga rond di 190 MIYON pa aña na tur gastonan di operacion na Hospital y ni Minister ni AZV por bisa algo.

Tempo di cauchi baulo a pasa. Den luna di april por a tuma nota cu a benta como 300 mil florin di reagentia di laboratorio afor cual a expire como cu Hospital a bestel esakinan den volumen demasiado grandi.

E siman aki publicacionnan hopi comprometedor di laboratorio. Kico mas mester pasa? Tene honor na boso mes como profesional y entrega boso retiro y duna Minister oportunidad pa ehecuta su vision. Ta basta!!, Croes a indica.

- Advertisement -

DUNA COMENTARIO

Please enter your comment!
Please enter your name here