ORANJESTAD (AAN): Lider di Fraccion di POR, Marisol Lopez-Tromp a gradici tur colega y lidernan di fraccion cu tabata den e ultimo dos simannan hunto na Hulanda y a trata e tema di Rijkswet Geschillenregeling.
El a expresa cu e ta contento cu e stap cu a wordo tuma ya cu ta un tema cu ta hunga un rol importante den diferente otro conflictonan cu ta surgi den diferente gobernacion y no ta un tema nobo.
Rijkswet Geschillenregeling ta un tema cu conoce for di 20 aña caba, pero prome cu el a drenta caba tabata tin conflictonan caba cu a surgi di otro indole y mas bien ariba structura estatal, a señala, cual a tempo aya tabata hunga un rol.
Aworaki ta ariba otro topiconan, pero e parlamentario ta satisfecho cu e trabao cu e delegacion a desplega na Hulanda, Lopez-Tromp a splica.
