Home Parlamento Parlamentario y Hefe di Seccion di Investigacion di Departamento di Labor a...

Parlamentario y Hefe di Seccion di Investigacion di Departamento di Labor a haci palabracion

129
0
SHARE
- Advertisement -

ORANJESTAD (AAN): Dia 18 di juli 2019, Parlamentario Shailiny Tromp-Lee a reuni cu Hefe di Seccion di Investigacion di Departamento di Labor, señora ir. Yvonne Lee-Perez pa trata e siguiente topiconan: ley di salario minimo y posibel introduccion di un Jeugd-minimumloon. Topiconan cu ya pa algun tempo Parlamentario Shailiny Tromp-Lee ta trahando riba nan.

E reunion tabata uno fructifero caminda a trata diferente aspecto, idea y alavez a haci palabracion con ta bay traha hunto.

Pa haya un bista mas amplio y detaya di e situacion actual y e impacto di e diferente ideanan riba mesa ta rekeri di data cu e Seccion di Investigacion aki tin of por genera. Alavez ya ta existi Investigacionnan relevante ariba e topiconan aki cu nan resultado ta den un fase preliminar. Segun Tromp-Lee prome cu por cuminsa concretisa y traha ariba e conceptonan final mester analisa e data existente y esnan cu mester keda adkiri ainda.

E reunion aki ta forma parti di e proceso cu Tromp-Lee ta encamina pa trata e topiconan aki ariba menciona cu diferente stakeholders, plantia su ideanan, crea relacionanan di trabao importante y necesario y mas cu claro pa crea e sosten necesario pa e conceptonan final cu e lo presenta.

Tromp-Lee a indica cu ya caba el a reuni cu entre otro Minister di Labor, Departamento di Labor y Investigacion, SER y abogado Figaroa di FTA.

- Advertisement -

DUNA COMENTARIO

Please enter your comment!
Please enter your name here