Home General Parlamento y e dignidad exigi di un representante di pueblo

Parlamento y e dignidad exigi di un representante di pueblo

95
0
SHARE
- Advertisement -

Analisis 

Prome y despues di vacacion:

E turbulencia politico cu a manifesta su mes durante ultimo simannan, ya a duna un indicacion. Den un situacion nacional di crisis, por a nota claramente cu e accento no tabata poni riba Aruba.

Pero e momento a yega finalmente pa Parlamento baha cu vacacion y cuminsa prepara cu mes pa su aña nobo y un cantidad enorme di asunto cu mester atende. Despues di vacacion, Aruba y e Arubiano mester domina e interes di miembronan di Parlamento manera leynan ta exigi tambe. Pa esaki ta un realidad, mester bini cambio den loke ta parce di ta prioridad cerca un grupo demasiado grandi di representacion di Pueblo di Aruba.

Tin asuntonan clave pendiente tanto riba tereno di legislacion cu Parlamento mester atende, como na nivel di Gobierno cu Parlamento mester controla. Cu tur respet pa tur e miembronan di Parlamento cu ta demostra di ta consciente di e dignidad di un miembro di Parlamento cu ta representa pueblo, tin un grupo cu ta stroba e pensamento cu tur miembro di Parlamento conoce e balor di representacion di pueblo y e normanan na cual Parlamento ta mara.

E horor di mas grandi cu Parlamento por a conoce, ta e hecho cu tin un votegetter ta cana rond riba Aruba, cu aparentemente no ta mira ningun importancia den representa pueblo aunke esey ta e prome tarea di un politico.

Ta increibel cu e proceso electoral costoso cu ta base di democracia na Aruba, pa un persona cu ta yama su mes lider politico na Aruba, no ta nada mas cu un aparato pa calcula su  forsa politico persona. Den e espacio aki, awe no tin luga pa bolbe perde tempo y energia na un di e desaroyonan mas tristo riba tereno politico di Aruba.

Ta miho sigui cu e impresion cu sala di reunion di Parlamento ta wordo uza pa pelea door di cierto grupo, segun ta cumbini politiconan y no segun e exigencia pa

representa pueblo.

Rapportnan ta papia di e resultado di e actitud eroneo enfrente Parlamento a costa Aruba. Ta e actitud aki di coalicion cu a sostene gobierno anterior, a hinca Aruba den e crisis actual. Asuntonan di peso pluma pa un Parlamento pero cu si mester duna popularidad na e politiconan envolvi, ta gosa preferencia riba asuntonan crucial pa e pais.

Despues di vacacion asuntonan directamente mara na e crisis nacional cu a haya chens di desaroya durante un cantidad di aña, lo mester wordo atendi. Aruba mester di trankilidad pa recupera y no un pelea di gay y mas wega politico.

Ta bon pa miembronan di Parlamento comprende, cu Pueblo mes ta cuminsa realisa cu tin cierto ansiedad politico basa riba e hecho, cu cierto deseonan politico di pasado no a haya cumplimento despues di eleccion.

Pueblo tambe tin su preguntanan y e preguntanan aki sigur no ta expresa confiansa den loke cierto politiconan a haci cu Aruba y a destrui bienestar di Aruba finalmente.

Ta di spera cu despues di vacacion, ta bini un cambio pa miho. Ta di spera cu hobennan lo dicidi cu nan kier un futuro distinto den cual no ta hunga cu flix ni trata di fix, pero ta traha pa Aruba.

Ban spera tambe cu den e vacacion aki pueblo por hala un rosea y no sigui wordo uza pa bienestar di politico, cu ni sikiera kier honra eleccion como miembro di Parlamento.

 

- Advertisement -

DUNA COMENTARIO

Please enter your comment!
Please enter your name here