Home General PDVSA,  Petrocaribe,  Citgo y expansion comunista den region di Caribe

PDVSA,  Petrocaribe,  Citgo y expansion comunista den region di Caribe

96
0
SHARE
- Advertisement -

Exclusivo internacional

E conkista nobo a haya cara na e pais di Simon Bolivar 

*Cuba no por a ofrece Rusia loke Chavez a regala Moscu

*Kico tabata spera Aruba si Citgo no a bira fracaso? 

Durante e segundo parti di Siglo 19,  mundo a cera conoci cu un materia prima cu lo a cambia economia mundial. Petroleo a haci su entrada pa bira na Siglo 20 e oro nobo di planeta tera mientras economia a cuminsa depende di e likido cu suela tabata produci.

Comunicacion a wordo facilita y no a tarda pa mundo realisa su necesidad di petroleo, cu a trata di reemplasa hasta cu energia nuclear pero te awe ta keda e base primordial d energia.

Rond mundo hende a cuminsa rondia e posibilidad pa bira rico den un rato. Si e suerte a toca pa no awa pero petroleo sali for di suela, no solamente e futuro di e doño di e tereno a cambia pero di henter un pais.

Venezuela ta uno di e paisnan cu naturalesa a entrega tur herment pa un bon fundeshi economico. Agricultura, pesca di awa dushi y awa salo, cria, diferencia di temperatura den cero of na beachnan, mineralnan den suela.

E conkista original, cu a haci Simon Bolivar bira libertador, a haya cara nobo ora petroleo a wordo descubri na Venezuela dor entre otro e compania Hulandes, Shell cu tabata parti di exploracion.

Companianan petrolero di practicamente tur pais na mundo a inverti den industria petrolero di Venezuela, cu a conoce abundancia.

Na diferente ocasion Venezuela a cay den man di dictador. Falta di sosten y strategia pa keda na poder, a haci posibel pa tumba dictadornan.

Miembro fundado di OPEC, e poder di Venezuela a crece y e militar Hugo Chavez a mira loke otro dictadornan no a mira. Despues di a uza e poblacion mas humilde di Venezuela cu pa falta di educacion a keda atras den desaroyo, pa ataca loke el a yama capitalismo, Hugo Chavez a uza petroleo pa consolida su poder.

Petroleo a bira e arma principal pa Chavez, cu no a tarda pa introduci cambionan grandi den e compania petrolero PDVSA.

Su oponente tabata Carlos Andres Perez di Accion Democratica cu a lansa su mes como enemigo di socialismo y comunismo pero realmente tabata un socialista democratico, cu den union internacional ta parti di Socialista Internacional. E rosa cora cu ta simbolo di e organisacion a alcansa Venezuela tambe for di e tempo di Carlos Andres Perez cu a dicidi di nacionalisa petroleo.

Petroleos de Venezuela Sociedad Anonima, PDVSA, a cuminsa expande den Caribe.

Na decada 80, PDVSA a bira doño di Citgo Petroleum Company na Merca pa despues huur e refineria bieu di Shell na Curaçao y habri bira partner den e refineria di Jamaica.

Ora Chavez a haya PDVSA den su man, el a introduci cambionan den e compania cu lo a bira e miho arma cu e por a entrega Rusia y Cuba y asina haya sosten pa su propio poder na Venezuela.

Cuba por a regala comunismo un cas den porta di Merca pa sigui cu su expansion den e region. Pero loke Chavez a duna comunismo tabata tin mucho mas balor.

Comunismo a haya un forma pa expande den Caribe mas ainda ora Petro Caribe a haci su entrada.

Si ya Cuba tabata tin trato preferencial, paisnan den Caribe a haya chens di forma parti di Petrocaribe cu awo tin 17 miembro di cual 12 ta di region Caribense.

Comunismo a haya un forsa den e region. Oportunidad economico a bira oportunidad politico pa Rusia.

Na 2016 Nicolas Maduro, cu e aña a entrega Rusia casi mita di Citgo na Merca como borg, a anuncia na mundo cu su cantidad di refinerianan den Caribe a aumenta.

E pregunta ta, kico lo a pasa cu Aruba awe si e proyecto di Citgo no a fracasa. Militarnan di regimen Maduro ta encabesa e compania, cu comunismo Venezolano a uza como su baca di lechi. Aruba mester a bira un baluarte di Maduro y su amigonan cu el a introduci na Aruba.

Pregunta ta, si e tankinan na Aruba tambe un dia, lo tabata tin e logo di:”Socialismo o Muerte”.

- Advertisement -

DUNA COMENTARIO

Please enter your comment!
Please enter your name here