Home General Peru ta exportando hopi awacati, druif y bacoba awor pa Hulanda

Peru ta exportando hopi awacati, druif y bacoba awor pa Hulanda

178
0
SHARE
- Advertisement -

ORANJESTAD (AAN): Un relato publica e fin di siman aki na Peru, ta indica cu entre luna di Januari y Mei di e aña aki, exportacion di fruta y berdura for di Peru a sobrepasa mas di 2.5 biyon Dollar, y esey ta un crecimento di 1.7%, si bo compara e mesun temporada di aña pasa.   Y Peru a nota cu e aña aki, nan productonan di agricultura ta hayando mas y mas mercado.

Por ehemplo, den caso di Wijndruif fresco, cu a yega un suma di 357 miyon Dollar di exportacion den e prome cinco lunanan di e aña aki, e ta un producto cu awor ta yega na mas di 20 pais.  Algun di e paisnan cu ta haya druif for di Peru awor ta Merca, Hong Kong, Hulanda, China, Mexico, Thailandia, Spaña, Canada, Rusia, Zuid Korea, Colombia, Taiwan, Vietnam, Indonesia, Inglatera, Arabia Saudita, y Portugal.

Den caso di Awacati fresco, cu a subi awor cu 2% pa un balor di 280 miyon Dollar, Peru ta exportando pa Hulanda, Merca, Spaña, Inglatera, China, Chile, Hong Kong, Rusia, Japan, Canada, Alemania, Costa Rica, Belgica, Francia, y Portugal.

E cantidad di Mango fresco of seco cu ta wordo exporta, a subi cu 3% y a haci Peru como 64 miyon Dollar mas rico.  Nan ta wordo exporta principalmente pa Hulanda, Merca, Spaña, Zuid Korea, Inglatera, Francia, Canada, Chile, Alemania, Japan, Suiza, Ecuador, Rusia, Mexico, Belgica, y Italia.

Asparago fresco of refrigera ta producto favorito di Peru cu ta wordo manda pa Merca, pero tambe tin acogida grandi na Hulanda, Inglatera, Spaña, Brasil, Australia, Belgica, Alemania, Japan, Francia, Chile, Colombia, Hong Kong, Zuid Korea, Mexico, Irlanda, Italia, Zuid Africa, y Taiwan.

Bonchi di Coffie sin roasted, ta wordo manda principalmente pa Merca, Alemania, Belgica, Canada, Colombia, Inglatera, Suecia, Japan, Francia, Zuid Korea, Italia, Australia, Republica Dominicana, Hulanda, Spaña, New Zealand, y Noruega.

Blueberry fresco cu ta wordo considera un super food, ta wordo exporta na gran escala pa Merca, Hulanda, Inglatera, China, Canada, Hong Kong, Brasil, Spaña, Thailandia, Costa Rica, Alemania, Malaysia, y Belgica.  Den prome cinco luna, a exporta como 84 miyon Dollar, cu a registra asina un crecimento di 68%.

Bacoba tipo ‘Cavendish Valery’ fresco ta wordo exporta di Peru principalmente pa Hulanda, Merca, Panama, Belgica, Alemania, Zuid Korea, Japan, Inglatera, Finlandia, Italia, Suecia, Canada, Chile, Portugal, Spaña y Aruba.

Mango frozen ta wordo manda principalmente pa Merca, Canada, Belgica, Japan, Hulanda, Alemania, Polonia, Zuid Korea, Chile, Inglatera, Suecia, Australia, Noruega, Spaña, Mexico, Israel, Francia, Croacia, New Zealand.  Esaki a subi na 64 miyon Dollar, cu ta aumento di 3%.

Granaatappel ta wordo exporta principalmente pa Hulanda, Rusia, Inglatera, Merca, Canada, Hong Kong, Arabia Saudita, Emiratonan Arabe Uni, Egipto, Malaysia, Italia, Singapore, Lebanon, Colombia, Iraq, Indonesia, Alemania, Qatar, Kuwait, y Spaña.

Gobierno na Lima a bisa cu e principal pais di exportacion di berdura y fruta for di Peru, ta Merca cu a haya 28% di e total.  Esaki ta sigui pa Hulanda cu 16%, y despues Spaña, Ecuador, China, Inglatera, Colombia, Chile, Alemania, y Hong Kong.  E diez paisnan ey so ta representa 74% total di esnan exporta for di Peru.

 

- Advertisement -

DUNA COMENTARIO

Please enter your comment!
Please enter your name here