Home Policial Pickup a dal fuertemente contra transformator huis na Jaburibari

Pickup a dal fuertemente contra transformator huis na Jaburibari

343
0
SHARE
- Advertisement -

ORANJESTAD (AAN): Diahuebs den oranan di madruga, e chauffeur di un Toyota Hilux Pickup color blanco cu number A-1332 tabata coriendo riba caminda di Calabas pa Paradera, y na altura di Jaburibari algo a bay robez.

Na altura di Parke Curazon, e pickup a baha di caminda, pega den un palo di mata, y asina a bolter y a bay pega cu impacto fuerte contra un Transformator huis chikito di Elmar cu tin eynan instala pa Parke Curazon.

Habitantenan cu a tende e impacto, mesora a bati alarma na autoridad.

Inmediatamente Polis como tambe Ambulans a mobiliza pa e area.  Mirando e hecho cu e chauffeur a keda pega den e vehiculo, a manda busca Vehiculo di Rescate di Cuerpo di Bombero tambe.

Bomberonan a percura pa stabiliza e vehiculo prome, y despues a cuminza corta e vehiculo pa asina por a libera e chauffeur.  Durante e tempo ey, Paramediconan tabata vigila e señalnan vital di e persona.

Cu hopi cautela a logra saca e persona, y Paramediconan a bay cune cu Ambulans rumbo pa Hospital.

E vehiculo a sufri daño extenso ora cu el a bolter.  E impacto tabata fuerte como cu e Transformator huis tambe a kibra, e porta di hero a dobla, y tabatin scheur grandi den e muraya.

- Advertisement -

DUNA COMENTARIO

Please enter your comment!
Please enter your name here