Home Policial Polis y City Inspector a cuminza parti panfleta den cuadro di maneho...

Polis y City Inspector a cuminza parti panfleta den cuadro di maneho nobo pa atende cu cacho

502
0
SHARE
- Advertisement -

Irene Croes, veterinario di gobierno

ORANJESTAD (AAN): E Plan Nacional pa atende cu cachonan di caya porfin a bira realidad. El a drenta na vigor ayera 1 di Juli.

Despues cu e ley di cacho a wordo introduci 5 aña pasa, awor tin un maneho concreto pa atende cu cachonan. Den e caso aki, ‘Killcage’ ta wordo elimina y ‘Dog Act Shelter’ ta wordo crea ta atende e situacion aki.

Irene Croes ta veterinario di gobierno desde 2008 y desde 2009 el a haya un tarea pa bin cu un maneho pa cu e bestianan indesea y pesey mester a traha e Killcage pa asina gobierno pone e bestianan drumi.

For di 10 aña caba ta purbando di bin cu un solucion duradero pa e problema aki, a bisa. El a indica cu e Plataforma Ley di Cacho a wordo lanta desde e temporada cu e ley di cacho a wordo introduci na 2013-2014.

El a wordo introduci door cu hopi hende a ripara cu e ley no tabata funcionando pa via cu no tabata tin lugar pa hiba e cachonan. Aworaki e plataforma no ta existi mas y actualmente ta bezig cu un plan nacional pa atende cu e problema aki, a bisa.

Na e momentonan aki dos persona ta purbando hinca tur cos den otro. El a indica cu e killcage a existi pa un 40 aña caba mas o menos y e problema cu cacho a keda mescos.

Irene Croes a enfatiza cu nan tin cu bay atende cu e hecho cu e cacho no ta e problema sino e doño iresponsabel. Mester haya mas doñonan responsabel na Aruba, a subraya.

Ta hayando colaboracion di hopi NGO’s y ainda tin cu bay papia cu mas organizacion. Esaki lo sosode pronto. Ayera a papia cu un departamento hopi importante cual ta Departamento di Salud y Veterinarie Dienst, a duna di conoce.

Banda di esaki e veterinario a sigui bisa cu ya caba tin e compromiso di Cuerpo Policial y di Bureau City Inspector. Asina tambe kier logra pa henter Aruba ta comprometi cu e plan aki.

Desde 1 di Juli, Polis y City Inspector ta controlando locual nan ta constata caba. Hopi biaha nan ta topa cu un cacho den un haula cera sin cu tin awa ni cuminda. Of un cacho na un cabuya den solo sin cu tin suficiente sombra.

Ta berdad cu e cachonan aki no ta ariba caya, pero ta den e cas sufriendo bao di un manera cu no ta e manera pa cria un cacho, Croes a expresa.

Polis y City Inspector a cuminza parti panfleta cu e logo di e Plan Nacional y cu tur e informacion cu mester tene cuenta cune. A enfatiza cu no kier yega na e punto cu e doño ta yega y ta benta e cacho ariba caya. Ta prefera pa hiba e cacho na e “Dog Act Shelter” cu ta bay wordo traha pa elimina e Killcage.

Ta bay elimina e imagen di e killcage y na lugar di dump e cacho ariba caya ta prefera pa yama esnan di e Plan Nacional pa medio di e website di Infraruba, unda por haci melding di locual ta constata cu ta robez.

 

 

 

- Advertisement -

DUNA COMENTARIO

Please enter your comment!
Please enter your name here