Prueba cu AVP ta manipula cu cifranan oficial di Aruba

    813
    0
    SHARE
    - Advertisement -

    For di baricada wega politico sumamente peligroso pa Aruba

    *A cambia motibo oficial di prijs di cuminda na Aruba

    *Impacto di politica di frontera Nicolas Maduro ignora 

    ORANJESTAD (AAN) — Pa basta dia DIARIO a adverti Aruba pa un wega politico sumamente serio cu ta tuma luga. Awe DIARIO ta asumi su responsabilidad pa percura cu Aruba ta wordo informa a base di berdad y ta presenta prueba con AVP ta manipula cu e situacion cu Arubianonan ta aden y cu cifranan oficial pa crea un ambiente politico peligroso.

    Democracia ta exigi politiconan tene nan mes na berdad y no gaña pueblo.  Democracia y libertad di prensa ta exigi medionan di comunicacion pa no yuda den publicacion di mentira, mita berdad of berdad troci pa asina evita cu daño ta wordo causa na e pais.

    Na varios ocasion e partido AVP ta presenta su mes como analista di cifranan di entre otro CBS cu DIARIO tambe ta analisa continuamente mescos cu tur otro cifra pa haci su trabou.

    Cu tur prijs na Aruba a subi for di aña pasa y cu medida mester a wordo tuma pa evita cu Aruba lo a wordo declara bancarota, ta algo cu pueblo sa. Tristo ta cu e partido cu a causa e problema financiero y a admiti esaki publicamente, awor ta uza e situacion cu pueblo ta aden, pa hunga politica bou tur nivel politico y haciendo uzo di cifranan oficial di e pais.

    For di januari 2019, mientras Aruba ta den problema financiero y economico serio cu e mes a hinca Aruba aden, e lider di AVP Mike Eman a demostra cu e ta lanta pueblo contra gobernacion y a tene un manifestacion cu a fracasa.

    Manera su partido a anticipa el a sigui cu accionnan cu awor a surpasa limite di politica aceptabel y ta contene informacion manipula.

    DIARIO awe ta trece prueba di instancianan oficial, cu segun AVP e tambe ta uza, pa mustra con AVP ta troce berdad.

    Den e asunto di cuminda ta wordo treci dilanti cu gobierno actual lo a percura pa prijsnan di cuminda subi dos aña consecutivo.

    E cifranan cu AVP a uza, ta wordo splica den documentonan oficial y asina Banco Central den su “State of the Economy” ta mustra con na 2018 e fronteranan entre Aruba y Venezuela a wordo cera y e resultado cu esaki tabata tin pa prijs di fruta y berdura.

    Banco Central, e instancia independiente ta splica completamente kico a pasa cu prijs na Aruba for di 2018.

    Investigacion di DIARIO,  cu manera e ta demostra cu prueba ta publica tur loke rapportnan oficial di instancianan oficial di e pais ta trece dilanti, ta mustra con AVP ta uza e cifranan completamente for di nan contexto pa asina haya un arma contra contrincantenan politico.

    Ta deber di DIARIO pa adverti Aruba cu prueba con e pueblo na e momentonan aki ta wordo uza den un wega politico cu a bandona tur frontera di normalidad.  Manipulacion cu berdad a crea e caos actual na Aruba y DIARIO lo no permiti pa e pueblo ricibi informacion cu un solo proposito cu ta mas problema politico na Aruba.

    Democracia na Aruba ta pasa den un crisis severo cu lider politico di AVP, cu 7 Mil voto di Arubiano riba baricada pafo di Parlamento y creando situacionnan cu ta destabilisa democracia, cu no ta permiti informacion incorecto y incompleto na pueblo pa alcansa metanan politico.

    AVP ta na haltura cu te awe fronteranan cu Venezuela no a habri y cu manera Banco Central a splica tin un motibo cu prijs di entre otro fruta y berdura a subi, los di e medidanan cu gobierno mester a tuma pa scapa situacion financiero di Aruba.

    - Advertisement -

    DUNA COMENTARIO

    Please enter your comment!
    Please enter your name here