Home General RADEX BCMS ta conta cu sistema di registracion y buskeda multi biometrico

RADEX BCMS ta conta cu sistema di registracion y buskeda multi biometrico

37
0
SHARE
- Advertisement -

ORANJESTAD (AAN): RADEX BCMS ta duna e posibilidad pa e oficialnan di migracion por investiga un persona cu ta drentando e pais mas profundo door di usa e sistema di buskeda y registracion multi biometrico.

Un persona por worde busca door di su carasteristicanan biometrico, cu ta su cara y 10 dede di man, den ‘wanted lists’ nacional y internacional.  Si e persona worde haya den e database, e record di e persona por worde usa pa un investigacion mas profundo. Di otro banda, si e persona no worde haya den e database, e persona por worde registra door di haci uso di su carasteristicanan biometrico.

RADEX BCMS por captura e scan di e cara y dies dede di man di un persona. Djis door di click un boton, e procedura di registracion biometrico ta cuminsa cu e seleccion di e caracteristican biometrico. E sistema mes ta indica ora el a captura e cara y e dedenan di man e persona of si e persona mester cambia e posicion di su dedenan pa logra un miho resultado.

Despues di esaki, e captura di e cara lo cuminsa y un evaluacion en bibo lo mustra e resultado di e potret. Un box di indicacion berde lo aparece ora cu e potret ta cla. Despues di tur e buskeda biometrico aki, e screen lo mustra e resultado di e scan di e cara y dedenan di man.

E posibilidad tey pa escohe si ta haci buskeda riba cara so of e dedenan di man so, pero e mas recomendabel ta e combinacion di cara y dedenan di man. RADEX BCMS ta garantisa un control y maneho di frontera mas sigur!

 

- Advertisement -

DUNA COMENTARIO

Please enter your comment!
Please enter your name here