Home General Regimen Maduro kier keda cu refineria na Curaçao

Regimen Maduro kier keda cu refineria na Curaçao

544
0
SHARE
- Advertisement -

Mientras Nicolas Maduro mes no conoce su futuro

*Curaçao den un relacion sin direccion cu Venezuela

*Avion di representante Maduro a baha cu frontera cera

ORANJESTAD (AAN)– Cu Aruba a scapa di un situacion mucho mas dificil cu e conoce na e momentonan aki, a bira evidente ayera ora un miembro di regimen Nicolas Maduro, cu Reino Hulandes no ta reconoce como Presidente di Venezuela a bishita Curaçao.

A pesar di e hecho cu e fronteranan entre Venezuela y Curaçao ta cera, e avioneta por a yega y baha.

Pa poblacion di Curaçao mes tabata un sorpresa grandi ora ayera den ora di atardi, un avion a baha y a resulta cu ta Manuel Quevedo cu den e regimen Maduro ta yama su mes Ministro di Energia di Venezuela y ta encabesa PDVSA, a yega e isla.

E relacion entre PDVSA y Curaçao cu na añanan 80 a yega na un relacion comercial cu PDVSA, a causa basta problema na e isla cu na 2016 a bisa PDVSA cu e no por keda cu e contracto actual cu a perhudica e empresa. Mantencion rekeri no a tuma luga na e refineria, cu ta hopi decai.

E pais a cuminsa busca otro gerencia pa e refineria y actualmente tin algun oferta.

Ministro Presidente Eugene Rhugenaath a anuncia cu e gobierno kier mantene e refineria como contesta na opinionnan cu mester cera e refineria y bini cu loke ta yama un Green Town.

E problemanan na Venezuela a hinca Curaçao den un situacion economico sumamente dificil y a destrui e base financiero di e pais cu awor ta bou un instruccion financiero di Hulanda.

Pa e trahadonan e situacion no ta nada facil. Riba tereno sindical e sindicalista cu tin laso directo cu Chavistanan, Errol Cova, ta domina e plataforma.

Asina e siman aki a drenta informacion cu PDVSA ta pidi e trahadonan na Curaçao keda trankil. Na nomber di PDVSA a papia regimen Nicolas Maduro.

Ayera su ministro a yega Curaçao den un avion cu no tabata parce barata. El a bay reuni cu e Prome Ministro y a duna promesa cu lo lanta e planta di refineria cu basta dia no ta produci temporalmente.

Tambe el a garantisa cu regimen Maduro lo sigui paga e trahadonan te final di 2019, ora e contracto termina.

Pero regimen Maduro tin interes pa keda cu e refineria.

Gobierno di Curaçao a emiti un comunicado hopi cortico, den cual a participa kico a sosode.

Hopi hende na Curaçao ta sorprendi pa e suceso. Informacion ta mustra cu Hulanda no ta acepta Nicolas Maduro como Presidente y ta sostene Guaidó como presidente eligi oficialmente.

Pero na mes momento pa asuntonan administrativo si ta uza regimen Maduro como gobierno.

Den e caso aki regimen Maduro, cu no sa te ki dia e ta na poder, pasobra Reino mes kier eleccion nobo, a duna trahadonan e siguridad cu nan lo haya pago.

Hasta pues Maduro kier keda cu e refineria.

DIARIO ta keda pendiente e desaroyonan pa informa Aruba.

 

- Advertisement -

DUNA COMENTARIO

Please enter your comment!
Please enter your name here