Home General Relacion Aruba y Citgo/PDVSA mester mas contesta

Relacion Aruba y Citgo/PDVSA mester mas contesta

96
0
SHARE
- Advertisement -

Cantidad creciente di investigacionnan criminal PDVSA ta exigi

*Gabinete Eman y Nicolas Maduro tabata tin mester di otro

*Proyecto Citgo por tin rabo largo den investigacionnan mundial

ORANJESTAD(AAN)–Si regimen Maduro tin problema pa entrega timon na Venezuela, ta debi pa un gran parti na acusacionnan creciente rond mundo di e papel cu PDVSA a hunga den actonan criminal.

Si Aruba kier of no, lo yega e momento cu e pais mester contesta preguntanan riba e forma cu placa di Venezuela a bini Aruba hunto cu e grupo di regimen Maduro.  Lo ta na gobierno Wever-Croes pa defende Aruba den un desaroyo riba cual a proposito, Gobierno anterior a nenga di duna Parlamento informacion.

“Gobierno ta continuacion. Pio cu e actual crisis financiero, ta e tarea cu gobierno actual lo tin den e cantidad creciente di investigacionnan criminal cu ta tuma luga contra PDVSA,”  informantenan a indica.

E proyecto Citgo contra tur regla legal di Aruba, a wordo introduci sin aprobacion di Parlamento cu tampoco despues cu gobierno Mike Eman a firma e acuerdo, a haya oportunidad pa realmente studia e acuerdonan y tur loke tabata conecta na e acuerdo.

“Ta e pais Aruba y no e personanan cu tabata parti di gobierno anterior a wordo mara na un acuerdo. Tur resultado ta pa Aruba, cu por haya su mes ainda den problema internacional serio. Paisnan cu un base democratico lo cuestiona con por ta posibel cu na Aruba un gobierno ta pone Parlamento un banda pa hinca e pais den un problema manera e acuerdo di Citgo tabata for di prome instante,” a bisa DIARIO.

Informantenan di DIARIO a mustra cu documentonan ta duna prueba, cu na momento cu gobierno Eman a drenta den e areglo cu regimen Nicolas Maduro, gobierno di Aruba tabata den un crisis serio.

“Kico tabata e prome momento di contacto y con exactamente e tabata entre gobierno anterior y grupo Maduro,” tabata uno di e preguntanan. “Diripiente a cuminsa papia di Citgo, di Cuba y di Maduro pero na mes momento a gaña pueblo cu Citgo tabata e “bon Citgo” cu no tabata tin ningun relacion cu Maduro,” informantenan a mustra.

Hopi contesta cu Parlamento mester a ricibi, no a wordo duna ora a hunga un wega politico y a crea cerca pueblo di Aruba e impresion cu partidonan e tempo den oposicion lo tabata contra e proyecto di Citgo.

“Gobierno anterior a uza e situacion social preta di e tempo na su bentaha y a crea cerca pueblo e impresion cu no por laga oposicion di e tempo tuma nota di e documentonan pasobra nan lo a stroba e proyecto di wordo realisa. Esaki ta contra leynan di e pais y ta contra ley di e pais e acuerdo a wordo introduci. Awor mester bisa pakico a dicidi di haci esaki,” informantenan ta insisti.

Den e actual situacion cu mas y mas pais ta profundisa nan mes con placa a move for di Citgo y nunca a yega Venezuela, mester tin claridad riba loke a pasa na Aruba, caminda awor ta otro gobierno ta responsabel pa defende honor di e pais cu ya a sufri den bista di mundo dor di e hecho cu a yega na e acuerdo cu Nicolas Maduro ora ya Citgo tabata hipoteca.

Na e momento gobierno di Aruba tabata tin mester di Citgo pa evita cu e crisis cu nan a hinca Aruba aden, lo a rementa den nan man. Nicolas Maduro tabata tin mester di un refineria den su porta di cas ya cu el a perde uno. Pues tanto gobierno anterior como Nicolas Maduro tabata tin mester di otro ora a firma e acuerdo contra tur regla legal y cu riesgo grandi pa Aruba.

“Aruba mester ricibi contesta pasobra Aruba mester ta prepara. Diariamente por tuma nota di investigacion rond mundo riba propiedadnan enorme cu a wordo cumpra den actonan corupto di PDVSA. Citgo mester contesta kico el a haci cu placa di pueblo di Venezuela y Aruba ta parti di Citgo, di cual nunca Aruba a beneficia,” informantenan a adverti.

A wordo confirma cu Aruba no a gana nada cu Citgo, cu a sigui cu loke Valero tabata tin.

Sinembargo, e acuerdo a zink Aruba pasobra a kita tur accion cu mester a tuma luga pa actua den e situacion cu Aruba tabata aden.

Segun informantenan Gobierno Mike Eman mester enfrenta Aruba y tur autoridad di Aruba pa evita cu nomber di Aruba ta sufri daño den un panorama criminal cu regimen Maduro a crea pa PDVSA y tur loke tin relacion cu PDVSA, manera cantidad di casonan penal rond mundo ta ilustra.

- Advertisement -

DUNA COMENTARIO

Please enter your comment!
Please enter your name here