Home Social  Ronchi de Cuba lo ta celebrando su di 3 decada den moda

 Ronchi de Cuba lo ta celebrando su di 3 decada den moda

175
0
SHARE
- Advertisement -

Dialuna dia 8 di Juli na Cas di Cultura lo tin casting pa e mega show #30yearsofstyle

ORANJESTAD (AAN):  Ronchi De Cuba ta invita tur modelo di KOMA Models entre 1989 pa 2019 pa asisti na e casting dia 8 di Juli na Cas di Cultura pa 7’or di anochi.

Ariba rednan social por a nota cu diseñador Arubano y fundador di KOMA Models lo ta celebrando su di 3 decada den moda.

E agencia, cu a wordo lanza na December di 1989, awor ta celebra 30 aña di estilo.  E mega show y celebracionan lo tuma lugar September 14 y pa cu esaki ta hasi un casting pa tur modelo di e agencia di 1989 pa 2019.

“Nos a representa mas di 3000 modelo durante e ultimo 30 añanan.  Ta practicamente imposibel pa hasi un show cu 3000 modelo.  Ta pa e motibo aki mi a dicidi di hasi un casting pa tur modelo di KOMA entre 1989 cu 2019.  Asina nos por mira kendenan ta interesa pa participa den e show y tambe selecciona esnan cu lo ta den e show” Ronchi ta duna di conoce.

E show lo ta un mezcla di e puntonan destacante di e 30 añanan di estilo.  Un mezcla di presentacionan teatral y pasarela.

Tur cu a sa di forma parti di KOMA Models entre 1989 cu 2019 ta keda invita pa asisti na e casting Dialuna awor dia 8 di Juli na Cas di Cultura pa 7’or di anochi.

Pa mira mas y hasi pregunta por bay ariba e pagina di Facebook di KOMA Models of ariba Instagram @komamodelsaruba.

- Advertisement -

DUNA COMENTARIO

Please enter your comment!
Please enter your name here