Sindicatonan ta duna gobierno ultimatum te 9 di Augustus pa bin cu un propuesta ariba indexering

    195
    0
    SHARE
    - Advertisement -

    Mirando cu presupuesto lo mester wordo entrega 1 di September

    ORANJESTAD (AAN):  Sindicatonan di Trahadornan Publico a tene un conferencia di prensa diahuebs mainta pa asina trece dilanti e ultimo desaroyonan relaciona cu nan lucha pa haya indexering 2019.

    Despues cu siman pasa, durante un rueda di prensa, pakico ta bin ariba mesa e topico di indexering y di a duna di conoce cu nan a manda un cartanan pa gobierno, cual a duna contesta pero sin contenido relaciona cu e propuesta di e gremio.

    Segun Eduard de Cuba, vocero di e sindicato, e ultimo carta a wordo manda pa gobierno siman pasa dia 9 di Juli unda cu nan ta bisa gobierno cu no ta dunando un clarificacion duidelijk ariba papel pa locual ta trata indexering.

    De Cuba a laga sa cu nan no ta hayando nada concreto pa locual ta trata e tema aki y pa e motivo aki nan a manda e carta di dia 9 di Juli unda cu nan ta bisa gobierno un bes mas cu mirando cu presupuesto lo mester wordo entrega 1 di September, nan ta duna gobierno un ultimo oportunidad pa bin cu un propuesta pa por discuti ariba indexering.

    E fecha cu a bisa gobierno pa bin cu un propuesta ta dia 9 di Augustus 2019. Toch te dia di awe e sindicatonan no a haya nada concreto di gobierno a pesar di e tantisimo oportunidad cu e sindicatonan a duna gobierno indicando nan ‘standpunt’, Eduard de Cuba a bisa.

    PROTOCOL 2014

    A reitera cu na tres ocasion, e trahadornan publico a haya indexering. Na 2010, 2011 y 2013. 2013 tabata e ultimo aña cu sector publico a haya indexering for di gobierno.

    Na 2014 e sindicatonan a firma un protocol cu gobierno unda a bisa cu lo mester bin cu un mecanismo cu desde 1 di Januari 2019 lo cuminza cu indexering. Kiermen no ta algo cu e sindicatonan ta bin cune awo, a splica.

    Gobierno, sinembargo, no a institui e comision y banda di esaki a tuma nota di un declaracion di Minister di Finanzas unda e ta bisa cu e sindicatonan no tabata tin e boluntad pa bin cu e comision pa traha ariba indexering, a indica.

    E sindicatonan ta lamenta e declaracion aki pasobra e ta no ta cuadra cu e realidad, Eduard de Cuba a enfatiza.

    A sinta cu gobierno un total di 6 biaha caba, cuminzando cu e prome reunion dia 8 di April. Den e reunion ey, minister di finanzas no tabata presente. Prome Minister si tabata tey. Mescos ta e caso di dia 6 di Mei. Te na e reunion di dia 20 di Mei, minister di finanzas a atende e reunion y e otro reunionnan tambe, e vocero di e sindicatonan a indica.

    COMISION 2020

    De Cuba a agrega cu ta bay cuminza traha ariba un comision cu lo bay atende cu indexering 2020. Den futuro, si dado caso presenta e oportunidad cu mester bin cu e discusion aki.

    Finalmente, Eduard de Cuba a bisa cu nan si tin boluntad y den tur e reunionnan nan tabata dispuesto pa bin cu un discusion pa locual ta trata indexering. Tambe a indica na gobierno cu kier a bin cu un comision pa evita e discusionnan aki den futuro.

     

    - Advertisement -

    DUNA COMENTARIO

    Please enter your comment!
    Please enter your name here