Home General Space & Nature Aruba Foundation a celebra 50 aniversario cu astronautanan a...

Space & Nature Aruba Foundation a celebra 50 aniversario cu astronautanan a cana ariba luna

66
0
SHARE
- Advertisement -

Pa prome biaha

ORANJESTAD (AAN) – Ariba 20 di juli ultimo a marca e 50 aniversario cu humanidad a logra baha ariba superficie di Luna pa prome biaha den historia. Diferente instancia internacional a conmemora e logro historico aki incluyendo e organisacion local di espacio y naturalesa esta ‘Space & Nature Aruba Foundation’ cu un tremendo “sidewalk astronomy” ariba green corridor.

Tabata ariba 20 di juli 1969 pa 4:18 PM (ET), durante e mision Apollo 11, Neil Armstrong acompaña pa su colega Buzz Aldrin a baha cu e modulo lunar Eagle ariba e superficie di Luna. Despues di 6 ora Neil Armstrong a baha for di e modulo Lunar y asina bira e prome persona pa cana ariba e suela polvoriente di luna declarando: “That’s one small step for man, one giant leap for mankind”.

Diasabra ultimo e 50 aniversario a wordo celebra y conmemora rond mundo pa diferente organisacion international y incluyendo e organisacion local ‘Space and Nature Aruba Foundation’ cu a organisa un tremendo “sidewalk astronomy”.

E idea di un “sidewalk astronomy” ta pa setup un of mas telescope y asina entretene educacion publico pa esnan canando banda di caminda.

Durante e evento, grandi y chikito por a mira den telescope y wak e planetanan Saturno y Jupiter di cerca. Tabata tin splicacion tambe con e telescope ta traha y tambe di e diferente tipo di telescopenan. E publico presente a pasa un rato masha ameno ta admira e obheto nan den espacio.

INVITACION

Den cuadro di e celebracion di 50 aniversario cu humanidad a baha ariba luna y 100 aniversario di International Astronomical Union, Space & Nature Aruba Foundation a setup un presentacion na Biblioteca na Playa y ta invita pueblo henter pa pasa wak e bunita exposicion entre 19 di juli pa dia 2 di augustus 2019.

- Advertisement -

DUNA COMENTARIO

Please enter your comment!
Please enter your name here