Home Enseñanza SPO ta cuminza cu Curriculum nacionalmente estableci den e marco di innovacion

SPO ta cuminza cu Curriculum nacionalmente estableci den e marco di innovacion

19
0
SHARE
- Advertisement -

Entrante aña escolar 2019-2020:

ORANJESTAD (AAN)—Den conferencia di prensa di gobierno, Minister di Enseñanza dhr. Rudy Lampe a menciona cu e proceso di innovacion den enseñanza ta sigui y esaki no por stop.

“Gabinete Wever-Croes ta para pa e-government y e-government no por existi sin innovacion den enseñanza; e dos aspectonan aki mester bay hunto”, e dignatario a remarca.

Pesey innovacion na scol SPO ta sigui. E ta bay haya un curriculum nobo y e ta bay ta e prome scol unda gobierno ta bay aplica ideanan innovativo. For di e aña escolar nobo ningun alumno ta keda sinta, y tampoco lo tin cifra pa evalua e alumno.

“Esaki ta ideanan innovativo cu aworaki ta drentando nos sistema di enseñanza y SPO ta bay ta e prome scol cu ta bay tin un curriculum nobo, y nos ta bay amplie di tres pa cuater aña pa asina cumpli cu nos ley di enseñanza obligatorio. Te aworaki tabata tres aña di estudio na SPO unda tin mucha ta caba cu 15 aña y nan ta cas y asina ta viola e ley di enseñanza obligatorio cu ta te cu 16 aña. Pesey, aworaki nos ta amplie di 3 pa 4 aña, unda cu e ora ey nos ta haya un curriculum nobo cu ideanan innovativo, y nan ta bay sali como asistente di ofishi”, e mandatario a declara.

Minister Lampe a señala cu te awo no tabata tin un curriculum estableci pa SPO pero aworaki ta bay tin un curriculum nacionalmente estableci, cu ta dirigi riba e meta di bira asistente di e ofishi cu nan a scoge, ora nan caba e SPO.

E dignatario a informa tambe cu den e reunion di Conseho di Minister di Diabierna ultimo, riba su proposicion, cu localidad no ta esencial pa enseñanza pero locual si ta esencial ta innovacion, y den e caso di SPO e localidad ta keda manera e ta aworaki. Muchanan por wordo inscribi sea na SPO Santa Cruz of Brasil, pasobra e localidad no ta loke ta haci educacion sino e contenido.

Den e siman aki, e mandatario a menciona, ta cuminza cu e preparacion di e maestronan pa locual ta trata e idea innovativo aki di e Curriculum nacionalmente estableci pa SPO y awor e maestronan ta bay ta na palabra pa aplica esaki na scol y den nan klas.

- Advertisement -

DUNA COMENTARIO

Please enter your comment!
Please enter your name here