STA a sinta na mesa cu SVb pa yega na un contrato colectivo pa trahadornan

    76
    0
    SHARE
    - Advertisement -

    Diego de Cuba di STA

    ORANJESTAD (AAN): Segun Diego de Cuba di sindicato STA, for di November di aña pasa, nan a tene un votacion, caminda cu empleadonan di SVb a vocifera cu nan kier resorta bao di un contrato colectivo.

    Cu un contrato colectivo, nan por drecha na entrada y beneficionan, kiermen tur loke nan trece dilanti lo ta na beneficio di trahadornan. Pa loke ta trata situacion di SVb, nan a reuni cu Minister caba na November di aña pasa, na unda Minister a haci un peticion na Departamento Huridico, pa dun’e nan opinion.

    De Cuba ta kere cu Juridische Zaken por ta bezig cu esaki ainda, pero den su opinion, nan a tuma demasiado tempo caba y despues esaki mester bay pa Departamento di Recursonan Humano, pasobra practicamente mester traha riba un plan social.

    Logicamente por tin personanan cu no ta di acuerdo y kier keda cu e ambtenaarschap, pero mirando cu posicion di SVb, e ta kere cu ta prudente pa informa Conseho di Minister formalmente, cu esaki ta deseo di empleadonan y nan kier bay den e direccion ey y esaki no ta imposible, ta algo masha normal, pero ta bay tuma su tempo.  E ta bisa cu sociale statuut mester ta bon hinca den otro y pa esaki tuma lugar, mester di sosten di Departamento di Recursonan Humano.

    De Cuba ta lamenta e tardanza pasobra esaki ta fastioso, no pa nan so, si no pa nan miembronan, kendenan ta keda haci preguntanan na delegadonan, cu di nan banda ta sinti frustra cu pa motibo di situacion fuera di nan alcance, nan no por haci mucho cos. E ta pidi miembronan y esnan cu a dicidi di bay den direccion aki, pa un tiki mas pasenshi, nan ta trahando duro riba e situacion.

    Nan a reuni cu mediador  hunto cu director di SVb y delegadonan pa asina plantia e escenario, cu definitivamente mester wordo cumpli cune, pa nan por yega na contrato colectivo. Esaki no ta nada for di mundo aki, el a yega di pasa den pasado y lo sigui pasa den futuro.

    Nan a atende cu varios departamento di gobierno cu a bay over na un N.V. of na un sui-generis,  y den caso di SVb no lo ta diferente. De Cuba a enfatiza cu esaki no ta imposible, no mas cu Directie Wetgeving mester duna nan conseho y decision mester cay den Conseho di Minister y Parlamento por tin di bisa den e asunto aki.

    Den nan calidad como sindicato representante di trahadornan, lo pidi un reunion cu Conseho di Minister hunto cu e delegadonan, y si mester cu e director di SVb, si ta necesario. El a enfatiza cu Minister Dangui Oduber ta hopi habri pa scucha nan y e no ta kere cu esaki lo cambia despues di e reunion.

     

    - Advertisement -

    DUNA COMENTARIO

    Please enter your comment!
    Please enter your name here