Home Enseñanza Stephen Maas kier introduci plachinan cu temanan di Aruba na schoolnan basico

Stephen Maas kier introduci plachinan cu temanan di Aruba na schoolnan basico

31
0
SHARE
- Advertisement -

ORANJESTAD(AAN): Stephen Maas ta un ilustrador y un diseñador grafico cu tabata tin varios aña ta bin Aruba y awor e tin 3 aña ta biba riba nos isla.

Den un entrevista el a splica cu el a realiza cu varios school falta material di duna les cu ta bunita y visual, cu ta bay over di Aruba.

“Pesey mi a cuminza hasi dibuho di diferente tema cu tin di haber cu Aruba, esta pahra, mata, fruta y lugarnan na Aruba cu ta special”.

“Awor el a bira full un serie y mi a cuminza bende esakinan riba mercado”.

“Sinembargo e plan ta pa desaroya full e serie como un sistema visual di les, pa schoolnan basico na Aruba”.

Esaki segun Maas, kende a sigui bisa cue muchanan di kleuterschool por ehempel por cuminza siña e plachinan, mientras cu despues e muchanan mas grandi ta siña e letter y palabranan, unda cu quizas por pone tambe e traduccion na Ingles, Spaño of Hulandes.

“E intencion ta pa e serie aki wordo uza pa full school basico na Aruba”.

“Asina nan ta lanta cu cierto imagennan cu realmente ta conta nan algo di Aruba, pasobra hopi material di les ta bin di Hulanda of Merca”, segun Maas.

El a indica cu mirando cu den nan tempo liber maestronan ta traha nan propio material, e ta purba di yuda nan cu esaki.

Maas ta purbando di haya mas school basico posibel pa sostene, pa asina quizas e material por wordo introduci caba den e proximo aña escolar.

E Hulandes a papia caba cu Ministerio di Enseñanza riba esaki.

“World Literacy Foundation tambe ta sostenemi, pe produci buki”, segun Maas.

- Advertisement -

DUNA COMENTARIO

Please enter your comment!
Please enter your name here