Home Enseñanza Studiantenan Arubiano di TU Delft ta trahando riba e prome rover di...

Studiantenan Arubiano di TU Delft ta trahando riba e prome rover di Hulanda pa bay luna

200
0
SHARE
- Advertisement -

ORANJESTAD (AAN): Diasabra 20 juli lo ta mitar siglo pasa cu Neil Armstrong a pone su prome paso riba luna y na e momentonan aki e Proyecto Lunar Zebro ta bezig pa hiba e prome rover Hulandes luna. E proyecto ta un proyecto di facultad di TU Delft (Universidad di Tecnologia di Delft), cu a cuminsa na 2017, na unda profesornan di facultad y studiantenan ta traha hunto den coperacion cu otro partnernan.

Entre e studiantenan tin tres studiante Arubiano trahando activamente riba e proyecto. Nan ta Jillian Oduber, Roderick Tapia y Claudia Sweerts. E proyecto no lo bira djies e prome Rover Hulandes na luna, pero tambe esun di mas chikito y di menos peso.

   Plan pa lansa 2022:

Ta realisando e mission cu plan pa lansa e rover, cu yama Zebro, na aña 2022. E meta principal ta, te awo, pa test si e rover por resisti di dia cla lunar riba luna. Di dia cla lunar ta dura mas of menos dos siman di tera (14 dia).

Un reto basta pisa pa un robot chikito, pasobra e Zebro apenas ta pisa 2 kilo, ta mas chikito cu un papel size A-4, cu ta 210 × 297 mm. E ta traha ful cu energia solar. Esaki kemen cu e Zebro ta functiona den dia cla lunar y lo ta den comunicacion cu tera.”

   Condicionnan di luna:

Esaki kemen tambe cu e mester por midi forsa cu e condicionnan hopi dificil cu tin riba luna. Por ehempel e diferencianan extremo den temperatura, e exposicion na e radiacion di solo, e paisahenan bruto y e ‘moondust’ fini cu ta penetra tur caminda.

Pesey ta construi e Rover cu un material inovativo cu yama Ceramix Matric Composite (CMC), special traha resistente pa den espacio. Despues ta bin riba e material aki barios capa di material di isolacion.

   Grupo di rover:

E idea di e mini rovernan aki por parse un locura compara cu e rovernan grandi y conventional, pero hecho ta cu, los di costa menos, nan tin e habilidad di por haci trabaonan mas complica. Jillian ta splica cu: “E prospecto ta pa den futuro manda hopi di rovernan aki luna hunto.

Eynan nan lo copera cu otro den gruponan grandi pa cumpli cu e trabaonan complica. Imagina por ehempel con e vruminganan ta traha hunto y copera cu otro.”

Roderick ta sigui splica: “Di e manera aki por explora mas eficiente hopi mas tereno. Tambe por investiga luganan cu di otro manera lo ta un riesgo y/of lo ta inaccesibel pa e rovernan grandi y caro, manera e cueva y craternan lunar. Motibo pakico e robot chikitonan aki tin 6 pia den forma di e letter C y cu cada un di e pianan ta traha independiente.

Cana, subi, baha, tene, wanta den e paisahe lunar lo no forma un problema pa nan. Na tin tambe dos camara, diseña y traha door di studiantenan di TU Delft, cu ta funciona manera dos wowo cu ta guianan pasa over y/of rond obstaculonan.”

Con e mision aki lo yega su fin ta keda un suspenso. Ta trahando hopi duro pa perfectiona e Zebro pa e por ta resistente na e condicionnan extremo lunar. Esaki ta un must pa e rover yen di curashi por enfrenta y prevalece cu exito su estadia largo y dificil den dia cla lunar.

Claudia ta sali cu entusiasmo for di e punto di bista cu e mision lo logra y ta splica cu: “Den un tempo cortico despues di a celebra e jubileo di 50 aña di a yega luna, nos tambe por celebra e yegada di e prome Rover Hulandes, e Zebro, riba luna.”

- Advertisement -

DUNA COMENTARIO

Please enter your comment!
Please enter your name here