ORANJESTAD (AAN): Un ciudadano a indica cu awor cu ta construyendo Watty Vos Boulevard banda di Casnan di Pueblo na Bushiri, e ta kere cu DOW por haci algo mas pa asina alivia e presion enorme cu tin riba trafico den e bario.
Segun su opinion, e ta kere cu lo ta ideal pa DOW haci algo cu e extension di Frankrijkstraat cu ainda ta di santo. Entre Frankrijkstraat y e caminda cu ta yega area di Bushiri/Madiki Kavel, tin un pida di apenas 200 meter cu falta asfalt.
E ta kere cu unavez cu DOW pone asfalt riba e pida caminda aki, e lo alivia presion enorme di trafico cu ta sali di e Cas di pueblo, y tambe alivia trafico cu tur dia ta pega den area di Supermarketnan, y tambe dilanti Eagle Tennis Club.
Fuera di esey, e pida 200 meter di asfalt aki lo por yuda reduci stof cu ta inunda e casnan na Bushiri inmensamente.
